Home » Movecionnan straño capta riba camaranan di seguridad den warehouse di Ling & Sons ( Video attached)

Movecionnan straño capta riba camaranan di seguridad den warehouse di Ling & Sons ( Video attached)

by Admin
0 comment 88 views

Engelandstraat – Diasabra pa mas o menos anochi 8’or di anochi, personal di Ling & Sons ta bati alarma pa motibo cu nan lo a mira via camara di seguridad un persona den un di e warehousenan. E Warehouse aki ta situa den Engelandstraat, den e parti aki ta caminda nan ta warda dry goods.

Hopi liher dos patruya ta yega na e sitio y pa e ladron no scapa, un patruya a bay para na e parti dilanti di e edificio y e otro a bay patras di e edificio.

Despues di basta rato e persona encarga cu e  yabinan ta yega na e sitio. Na su yegada ela habri e porta di e warehouse y polis hunto cu e security guard di Smart System a drenta y mesora nan a cera e rolluik pa e ladron no por scapa.

Despues di un buskeda rigoroso den e warehouse, nan ta sali bek, pero sin e supuesto “hende” cu  tabata wordo mira ariba camera di seguridad.
E dama via su cellular tawata keda mira e hende.

Segun e persona cu tin e aceso na e camara di seguridad, cu ta trata di un persona cu ta bisti na blanco y ta cana dobla.
A pensa kizas cu lo por ta un pushi cu lo porta ta biba den e Warehouse, pero ni esey nan no a topa den e warehouse.

E dama cu tabata convenci cu e ta mirando un persona cana dobla den e warehouse, ora ela bay mustra polis e supuesto hende, polis a mira no a mira un hende pero si nan a mira un sombra pasa dilanti di e camara.

E mas straño di e caso aki ta, cu e dama tabata keda mira riba e camara, e persona canando den e lugar y ora polis a bay pa wak e hende, nan a mira un sombra. Tambe e lugar ta completamente cera, pa un hende drenta den e warehouse aki, e lo mester a kibra e rolluik, un porta etc. esaki tampoco no tabata e caso, tur porta, rolluik etc. tabata intacto y tur porta tabata na lock.

Despues di a controla e lugar profundamente y tabata convenci cu no tabata tin ni un hende bibo den e warehouse aki, e patrol di e compania di seguridad y e patruyanan di polis a bandona e sitio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio