COMPRA N.V. SU PRODUCTONAN NO TA AFECTA
ORANJESTAD, 27 JULI 2018—Dia 21 di juli, 2018, Mondelez Global LLC a anuncia un ‘product recall’ voluntario di Ritz Crackers na Merca, incluyendo Puerto Rico y U.S. Virgin Islands. Esaki ta concerni cierto productonan cu fecha di vencemento specifico. Motibo di e ‘recall’ voluntario aki ta pa tuma precaucion pasobra cu un supplier di ‘whey powder’—cual ta un ingrediente di Ritz Crackers—a haci un ‘recall’ recientemente door di posibel presencia di Salmonella. Te cu awe, no tabata tin ningun keho raporta na Mondelez Global.
Compra N.V., como un distribuidor local cu casi 70 aña di experiencia tin nan cliente, consumidor y nan famia semper na prome lugar y kier asegura cu productonan Ritz Crackers distribui door di Compra N.V. NO ta afecta.
Pa cualkier informacion, semper por tuma contacto cu nos oficina na 5824891.