Savaneta: Diahuebs algo pasa di 9’or y mey di anochi, polis ta bay na un adres na Savaneta pa un atraco cu a caba di tuma lugar.
Na yegada nan ta bin compronde cu un persona cu un arma di candela a atraca un supervisor di un Citgo Gastation, na momento cu ela yega na e cas aki.
E atracador a logra bay cu dos tas cu placa cu ta suma entre 1500 pa 2 mil florin y tambe e atracador a tira den halto.
Na e mesun momento un patruya ta topa cu e auto cu lo a wordo usa den e atraco na Sabana Basora, e patruya ta dune un señal pa para, pero e auto no ta para, e ta sigui core dal un cura di cas kibra, polis a los un tiro di advertencia y bay para un poco mas pazuid. Mesora e ocupantenan ta sali core drenta mondi bay.
E polis ta bay na cas di e doño di e auto kende ta bisa cu e no ta envolvi den e atraco y cu e auto a wordo gejoyride. Ela wordo hiba warda como sospechoso y e auto a keda confisca pa mas investigacion. E area unda esaki a sosode a wordo cera, pa autoridad haci nan investigacion.
Pendiente pa mas information.