Hoben di apenas 19 aña ta perde su bida den e accidente fatal aki
Rotonde Las Americas, Oranjestad: Diabierna algo pasa di 3’or di marduga ta sosode un accidente cu ta cobra bida di un persona, esaki a sosode na e rotonde Las Americas.
Aparentemente e hoben aki lo tabata un rato prome na un club nocturno den Weststraat y e tabata mustra bou influencia, algun di su amigonan a papia cune pero e no no kier a tende, ela start su auto y a ranca bay cu velocidad halto direccion pariba y acercando e rotonde e no por a brake mas na tempo, ela a subi e rotonde y a bay dal straight contra un palo di coco cu su auto, un Kia Rio Oranje.
Polis hopi liher a yega na e sitio y a pidi pa asistencia di ambulance y materiaalwagen di brandweer cu urgencia, pero ora cu nan a yega ya tabata laat, e persona den e auto no tabata mustra di ta duna señal di bida mas, ta trata di un hoben di apenas 19 aña
Slachtofferhulp ta na e sitio pa asisti e mama cu un rato pasa a yega na e sitio.
E rotonde ta cera pa trafico y ta en espera di autoridadnan competente y Dokter.
Aki rato lo ta bay tin mas imagen y informacion. KEDA PENDIENTE