Home » Parlamentario Endy Croes di MEP den conferencia di prensa a laga estafador Benny Sevinger sunu sunu

Parlamentario Endy Croes di MEP den conferencia di prensa a laga estafador Benny Sevinger sunu sunu

by Admin
0 comment 66 views

Parlamentario Endy Croes durante conferencia di prensa semanal di Fraccion di MEP a baha fuerte riba ex-minister Benny Sevinger. Cu pruebanan palpabel den man a ilustra con Benny ta gaña y manipula pueblo via prensa. Croes a splica cu Benny ta un mentiroso estafador flagrante. Croes a laga prensa scucha un grabacion di Benny Sevinger haci durante conferencia di prensa di AVP unda Benny ta wordo gara manera un djaca den trampa engañando cu gastonan di e 9 ministernan tempo di AVP tabata costa 20 MIYON mientras cu gastonan di e 8 ministernan di Coalicion ta costa 25 MIYON y segun Benny esaki a aumenta. Despues cu Parlamentario Croes a laga prensa scucha e stem di e charlatan estafador Benny “himself” splicando esaki Croes a duna prensa documentonan cu cifranan oficial di departamento di finansas cual ta ilustra completamente lo contrario di locual Benny a splica. Mas tristo segun Croes ta e preguntanan cu fraccion di AVP a haci durante tratamento di presupuesto 2018. Aki por tuma nota cu no solamente Benny Sevinger NO ta presenta na trabao pero tampoco ta haci su huiswerk y no ta lesa contestanan riba preguntanan cu Fraccion di AVP a lansa. E cifranan di Finansas ta papia cla unda den 2017 e gastonan di ministernan di gabinete Mike Eman a costa pueblo 50 miyon florin mientras cu den 2018 e gastonan di ministernan di Gabinete Wever-Croes ta costa pueblo 30 miyon. Un reduccion di gasto di ministerionan di 20 miyon florin. Croes a splica cu e tin masha berguensa ora e tende Benny papia pataraca asina anto un persona asina aki a dirigi Pais Aruba pa 8 aña largo. Pues e no sa ni cuanto e gastonan di e ministernan ta y tin e curashi pa bin purba gaña den un conferencia di prensa.  Parlamentario Croes a bay amplio tambe riba rapport “Bo Aruba”. Aki tambe Benny Sevinger y Mike Eman a faya barbaramente. Parlamentario Croes a splica cu e rapport Bo Aruba solamente a ilustra e problemanan pero ta keda na Parlamento y/of gobierno pa haci investigacionnan forensico pa asina detecta e fraudenan y fayonan contra ley di comptabilidad pa asina e minister en cuestion por carga su responsabilidad. Benny no tabata tin ni e decencia pa duna su comentario riba e rapport y a ignora Algemene Rekenkamer usando su zwijgrecht. Croes ta termina bisando cu CAD y otro companianan lo haci un investigacion riba 1.6 BIYON, esta 1600 MIYON florin na proyectonan den Bo Aruba. E bala a cuminsa lora.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio