Home International Hulanda a conoce su di 25 Hittegolf (ola di calor) desde 1901

Hulanda a conoce su di 25 Hittegolf (ola di calor) desde 1901

De Bilt/Rotterdam: Diahuebs, 26 di juli Hulanda a conoce su di 25 ola di calor, e ola di calor aki a cuminsa for di 15 di juli na momento cu a cuminsa ta midi diariamente temperaturanan riba 25 grado y durante e ultimo 3 dianan a cuminsa midi temperaturanan di riba 30 grado, esaki ta hacie oficialmente un ola di calor.

Na 1901 Hulanda a cuminsa midi e Olanan di Calor, e ultimo cu a wordo midi ta na aña 2015, cu temperaturanan riba 37 grado. Olanan di calor ta pasa mas o menos cada 4 pa 5 aña.

Por conclui cu temperaturanan ta keda subi y no solamente na Hulanda pero rond mundo, zomernan ta bira mas y mas calor cu dianan cu extremamente calor. E chens ta grandi cu e temperaturanan halto lo por sigui te cu otro siman.

Door di e temperaturanan extremamente halto a pasa Diahuebs anochi un maltempo pisa riba hulanda, cu varios caminda yobidanan fuerte. E mal tempo a drenta di pazuid y a percura pa basta molester.

Na Rotterdam rond di 8’or di anochi un awacero fuerte a cay cu rafaganan fuerte di biento. Varios parti di Hulanda mata grandi a cay y esaki a sosode tambe na Rotterdam caminda un mata a cay riba un auto, den cual un persona a fayece mesora y e otro a keda gravemente herida.

E maltempo tabata mas fuerte na Noord Brabant y Zuid Holland, e awaceronan fuerte tabata hopi local.

Por mira si cu e hulandesnan ta gosando di e zomer aki, nan ta bay lama, nan ta bay na e meernan, pool, haci fiesta pafo den cura.

E temperaturanan halto ta bin cu consecuencianan no tur ora agradabel, por ehempel hende por fayece, otro ta bira malo y pesey Hulanda a saca flyer y tur caminda ta pone informacion pa asina concientisa e pueblo hulandes con pa trata cu e temperaturanan extremamente halto cu sigur nan no ta custuma cune. Tambe e temperaturanan tabata asina halto cu varios caminda ela causa daño na e asfalt riba e camindanan.