Home » Gladys Magali Guzman de Meza a defende su tesis exitosamente

Gladys Magali Guzman de Meza a defende su tesis exitosamente

by Admin
0 comment 60 views

 

Oranjestad- Diabierna 6 di juli na Universidad di Aruba, Gladys Magali Guzman de Meza a defende su tesis exitosamente dilanti di e comision di graduacion cu tabata consisti di dr. Luc Alofs, drs. Yolanda Richardson y drs. Arjen Alberts. E titulo di Magali su tesis ta “If only I had my work permit”. Pa su tesis Magali a investiga e mercado laboral den e sector turistico, particularmente e posibilidad pa un avance di carera pa inmigrantenan y pa yiunan di tera.  Magali a uza e teoria di Social Career Cognitive Theory pa su analysis y e la studia e asina yama Small Island Tourism Economies (SITEs). Den e paisnan aki turismo ta hunga un rol significante y hopi biaha e paisnan aki ta depende di e inmigrante pa yena cuponan di trabao. E investigacion tabata un investigacion explorativo quantitativo. Magali su investigacion a focus riba oportunidadnan cu inmigrantenan y esnan naci na Aruba tin pa nan por avansa den nan carera y e la haci un comparacion di e resultadonan pa e dos grupo di enfoke. Pa colecta data Magali a uza un cuestionario cu preguntanan tocante di e perspectiva di e oportunidad pa trabao, bareranan y posibilidad pa un carera profesional den e sector di hospitalidad y turismo. E estudio a confirma cu inmigrantenan no documenta no tin oportunidad pa participa den e mercado laboral. Una bez cu e inmigrante tin su permiso e oportunidadnan pa un carera den e sector turistico ta practicamente igual o similar cu trahadornan naci na Aruba.

 

Magali no ta desconoci den comunidad. E ta Consul Honorario di Ecuador y e ta un empresario tambe. Magali humildemente a combina e rolnan aki y despues di 4 aña di estudio por bisa cu e tin un lista di cifra impresionante. Universidad di Aruba, particularmente e departamento di ‘Organization, Governance, and Management’, ta felicita Magali cu e logro aki y ta desea e tur clase di exito.

 

Magali a scoge pa defende su tesis prome cu vakantie grandi, pero e lo recibi su diploma durante e ceremonia di graduacion di OGM dia 12 di September proximo. E expectativa ta cu mas o menos 6 studiante di OGM lo defende nan tesis prome cu e fecha aki. Si bo persona ta desea mas informacion riba e estudio OGM, bo por bishita e pagina di web di Universidad di Aruba na http://www.ua.aw/OGM y e pagina di Facebook cual ta https://www.facebook.com/pages/University-of-Aruba-OGM-Organization-Governance-Management-FAS/

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio