Home Politics MINISTER XIOMARA RUIZ MADURO A RECONOCE e hobennan Sheqayli Ascencion y Jahmani...

MINISTER XIOMARA RUIZ MADURO A RECONOCE e hobennan Sheqayli Ascencion y Jahmani Eisden

Pa nan bunita logro den exterior

ORANJESTAD – Siman pasa Minister di Finansa, Asuntonan Economico y Cultura mr. Xiomara Ruiz-Maduro cu sumo placer a ricibi y a duna reconocemento na dos hoben cu a demostra nan talento y a saca cara di nos pais internacionalmente. Minister Ruiz-Maduro a brinda su aprecio na e hobennan Sheqayli Ascencion y Jahmani Eisden pa e bunita presentacion cu nan a haci aya na Rusia durante Mundial 2018. E dos hobennan a ricibi un certificado y un regalo pa nan gran logro internacional, demostrando asina un bon ehempel na nos hobennan.