Home » Rotaract Club of Aruba a instala Directiva nobo pa aña 2018-2019 Y ta preparando pa nan prome proyecto “Back to School”

Rotaract Club of Aruba a instala Directiva nobo pa aña 2018-2019 Y ta preparando pa nan prome proyecto “Back to School”

by Admin
0 comment 57 views

 

Dia 13 di juli ultimo a tuma lugar e instalacion di e Directiva nobo di Rotaract Club of Aruba pa aña Rotario 2018-2019. E evento a tuma lugar na Alhambra Ballroom bou di guia di e maestro di ceremonia Shelby Maduro. Presidente di Rotaract Club of Aruba a scoge e tema “Growing Together”. E anochi a cuminsa cu un anuncio special, unda Rotaractor Stephanie Boekhouwer, miembro di Rotaract Club of Aruba, a keda presenta como “Assistant District Rotaract Representative” pa  islanan Aruba Boneiro y Curaçao. Esaki kiermen cu Stephanie lo ta responsabel pa mantene e contacto entre Districto 7030 di Rotaract den e aña venidero. Esaki sigur ta un honor pa Rotaract Club of Aruba tin e posicion aki un bes mas den cas pa e aña 2018 – 2019 despues di tabata tin un miembro di Aruba, Myrienne Figaroa, cu a wanta e posicion aki durante e aña 2017 – 2018.

Despues a sigui cu entrega di reconocimento special na miembronan di Rotaract Club of Aruba pa nan “outstanding performance” durante aña 2017 – 2018. Alabes, a sigui cu e reconocimento pa e “Project of the Year”. Manera custumber, e miembronan a vota pa e proyecto di aña entre tur e proyectonan cu a wordo realisa. E proyecto di aña a resulta di ta “YOU Inc. 2018” cual tabata e professional development seminar cu Rotaract ta organisando pa di 4 aña consecutivo unda e aña aki a hiba como tema  “Live Your Best Life” cu topiconan manera work-life balance, personal branding y leadership cu a wordo duna dor di James Michael Lafferty y Ronella Tjin Asjoe – Croes. E lider di e  proyecto aki tabata Ryon Dijkhoff cual a logra esaki hunto cu su team. Pa promer biaha, e miembronan por a vota riba e proyecto “hands on” di aña, e proyecto cu a gana esaki ta e “Care Bucket Project” unda miembronan a colecta y reparti “care-buckets” pa personanan sin hogar den nos comunidad buo guia di Shawn Lopez conhunto cu Rotaractors y miembronan di  Interact Club of Aruba di De Schakel College.

Despues di esaki, Presidente saliente Ben Maduro a duna un resumen di e proyectonan y actividadnan realisa den aña 2017-2018. E aña tabata hopi exitoso na unda cu Rotaract a logra crea mas presencia internacionalmente y  den Districto 7030 nobo. Ben Maduro a sigui na gradici Rotary Club of Aruba pa nan sosten y tambe a elogia tur miembro di Rotaract pa nan bunita trabao e aña aki, nan dedicacion na nos comunidad y nan entusiasmo. Manera Ben a trece dilanti “Rotaractors sacrifice their free time and family time, however we they do it and they do it with love”. Rotaract ta duna su miembronan e oportunidad pa desaroya nan abilidad nan di liderazgo y alaves yuda nos comunidad y esnan mas vulnerable. Alabes a gradici tur cu a a aporta na e proyectonan di e aña y tambe un danki special na e Directiva saliente.

E anochi a continua cu e instalacion di e Directiva nobo pa e aña 2018- 2019, cuminsando cu e “pinning” di e Presidente pa e aña venidero 2018-2019, Ryon Dijkhoff, sigui pa Diantha Boekhouwer como Vice-President, Shawn Lopez como Tesorero , Andrea Tromp-Barboza como Secretaria , Daniela Hernandez como Club & International Service Director , Kapil Sawilani como Community Service and Professional Development Director  y Immediate Past President Ben Maduro.

E Presidente nobo Ryon Dijkhoff, a enfatisa cu tur Rotaractor ta un mundo riba nan mes, pero cu tur tin diferente cualidadnan cu ta forma e Rotaract “Fingerprint”. Palabranan cu Rotaractors ta identifica nan mes cune ta: community service, fellowship, fun, growth, teamwork, empowerment, diversity, membership, empathy, innovative.

Alabes, Ryon a enfatisa e vision cu a keda crea dia 28 di november ultimo pa Rotaract Club of Aruba,:  “To be recognized as diverse, fun and compassionate Rotaractors, who are committed to make an impactful difference in the Aruban and international community through service, fellowship and innovation while developing future leaders.” Un vision cu a guia e thema di e club pa e aña aki:“GROWING TOGETHER” cu ta fit cu e tema di e Districto 7030, “We R”, cu ta pone enfasis riba e servicio comunitario entre Rotaract, Rotary y Interact Clubnan den Caribe y Sur America. Rotaract Club of Aruba hunto cu Rotary Club of Aruba y Interact Club of Aruba ta formando parti di e districto 7030 desde 1 januari 2017.

Alabes, Ryon a elabora ariba e 10 obhetivonan pa e aña 2017-2018, cual ta entre otro desaroyo professional di e miembronan, y promove fellowship. Ademas, Ryon ta desea di engrandece e presenciadi  Rotaract Club of Aruba den e Districto 7030, cumpli cu e rekisitonan di Rotary Internacional y di e Districto 7030. Tambe e ta desea di continua cu e bon relacion entre Rotary Club of Aruba y Interact Club of Aruba. ademas sigui cu e bon relacion cu  e stakeholdernan cu ta haci tur e proyectonan posibel.

Mas importante Ryon su meta ta pa e proyectonan comunitario cu Rotaract ta conosi p’e ta sostenibel y inovativo pa asina yuda esnan cu mas necesidad den nos comunidad. Esaki ta bai man den man cu e tema di “growing together”, unda ta ambiciona pa nos crece hunto como pais, comunidad, y club.

Ryon a finalisa e anochi pa gradici su famia y amistadnan sercano pa nan sosten continuamento specialmente den e aña venidero. Esaki sigur mirando e tempo y atencion rekeri pa guia e club y asina sirbi nos comunidad.

E miembronan di Rotaract Club of Aruba no a sinta keto, y a cuminsa prepara pa nan proximo proyecto “Back to School”. Esaki lo ta di 27 aña cu Rotaract Club of Aruba lo ta colectando productonan di scol pa yuda muchanan di menos recurso cuminsa un aña escolar exitoso. Miembronan y voluntario di club lo ta na Dyon Center dia 28 di juli y 4 di augustus di 9:30 AM pa 1:30 PM.  Nos ta invita comunidad di Aruba pa aporta na e bunita proyecto aki.

Bishita nos Facebook page: Rotaract Club of Aruba pa mas informacion of e-mail nan na [email protected].

Rotaract Club of Aruba kier a gradici Rotary Club of Aruba y tur otro persona cu a forma parti di e anochi di instalacion aki, y ta desea e directiva nobo hopi exito.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio