Home » DIRECCION DI FINANZAS TA ENTREGA CUENTA ANUAL 2017 NA MINISTER RUIZ-MADURO

DIRECCION DI FINANZAS TA ENTREGA CUENTA ANUAL 2017 NA MINISTER RUIZ-MADURO

by Admin
0 comment 46 views

 

ORANJESTAD – Dialuna 23 di juli 2018 Departamento di Finansas a entrega e cuentanan anual di aña 2017 na e minister encarga cu e cartera di Finansas Publico, Señora mr. Xiomara Ruiz-Maduro. E cuenta anual aki ta e di ultimo cu a cay bao di auspicio di Gabinete Mike Eman-II.

E resultadonan di e cuenta anual aki ta mustra lo siguiente:

  • Un deficit realisa di e sector collectivo di 117 miyon florin cual ta 92 miyon florin mas compara cu e presupuesto original cu mester a conta cu un déficit di 25 miyon florin. E deficit aki den porcentahe di e producto interno bruto (GDP) ta 2,4% y ta mas halto cu e norma di LAft valido pa e aña 2017, cual mester ta 0,5%.
  • E debe nacional a subi cu 176 miyon florin pa 4197 miyon florin na aña 2017. Esaki ta hiba e porcentahe di debe expresa den GDP na 86,8% pa aña 2017.

E resultadonan aki ta confirma e estado sumamente preocupante den cual minister Ruiz-Maduro a haya e finanzas publico di nos país y e pasonan firme cu mester wordo tuma pa por cuminsa e proceso pa drecha e situacion aki.

E cuentanan anual lo wordo entrega na Controlaria General pa e instancia aki por haci su controlnan pa despues e cuentanan aki por wordo entrega na Parlamento di Aruba pa wordo discuti den reunion publico.

Minister Ruiz-Maduro kier gradici tur esnan cu a contribui na e tarea di compila e cifranan anual di gobierno pa di tal forma duna un bista riba e situacion real di finanzas publico na Aruba. En particular kier gradici Departamento di Finansas su departamento di Gestion Financiero y su seccion di Raportahe y Analisis Financiero y e Servicio Central di Comptabilidad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio