Home » Minister di Deporte, Sr. Dangui Oduber cu palabranan di felicitacion pa tur e deportistanan Arubiano destacando internacionalmente

Minister di Deporte, Sr. Dangui Oduber cu palabranan di felicitacion pa tur e deportistanan Arubiano destacando internacionalmente

by Admin
0 comment 66 views

Den fin di siman Minister di Deporte, Sr. Dangui Oduber a tuma nota di diferente deportistanan Arubiano cu a destaca den exterior.

Mikel Schreuders – Silver
Mikel Schreuders ta logra medaya di silver pa Aruba den 100 meter liber den e weganan Centro Americano del Caribe 2018 na Baranquilla Colombia. Cu un tempo marca di 49.17 cual ta haci cu Mikel Schreuders ta clasifica automaticamente pa e Weganan Panamericano Lima Peru 2019. Mikel ta bira e prome landado di Aruba cu ta gana un medaya pa e deporte landamento den weganan CAC.

Sarah Quita – 2nd Lugar
Sarah Quita a keda na di dos lugar den e competencia mundial di Wave den e PWA World Tour na Pozo. Sarah Quita lo sigi prepara su mes pa e competencia di Freestyle na Fuerteventura caminda elo bai defende e titulo mundial den windsurfing un biaha mas.
Pony Team Aruba – Campeon
Pony Team Aruba titula campeon di e Pony 8U International Classic 2018 na Mount Vernon Illinois caminda a gana e team di Mudcats Laurensville, Illinois den final.

Jordy Wever – Brons
Jinete Jordy Wever ta logra e prome medaya pa Aruba den e Mundial di Equitacion na Ocala, Florida despues di e competi den un categoria hopi fuerte pero Jordy Wever a sa di sobresali y logra medaya di brons pa Aruba den e categoria di Jinetes Aficionados 21-24 aña.

Melanie Wever y Zoey Arends – Oro y Plata
Melanie Wever pa di 4 biaha consecutivo Campeon Mundial den Equitacion. Amazona Melanie Wever ta logra medaya di oro mientras e medaya di plata a bay pa Zoey Arends den e mundial di Equitacion na Ocala, Florida, tur dos den categoria 15 – 17. Pa segundo biaha den historia di Aruba tin dos medallista den mesun categoria den un Mundial.

Minister Dangui Oduber ta felicita tur e atletanan aki cu nan logro.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio