Home Police Curpa sin bida di un homber haya den un cas cu a...

Curpa sin bida di un homber haya den un cas cu a kima por completo

Jan Steenstraat, San Nicolas: Dialuna algun minuut prome cu 12’or di merdia, un patruya di San Nicolas ta topa den Jan Steenstraat un cas completamente na candela, mesora ta pidi pa presencia di brandweer cu hopi urgencia.

Hopi liher brandweer ta yega na e sitio y a cuminsa cu trabounan di paga e candela, tambe a pidi pa presencia di Elmar pa algun cabel cu a kima, pero na yegada nan a bin compronde cu e cas pa hopi tempo no tin coriente y ni meter e cas no tabata tin mas.

Hopi liher brandweer a domina e candela di pafo pero paden ainda tabata tin candela. Despues cu brandweer a logra domina y paga e candela, nan a tene un control y a bin topa cu un curpa sin bida den e cas. Mesora a pidi pa autoridadnan concerni y pa 1’or y 40 di merdia, Dr. Texier ta constata morto. Na famia di e fayecido nos palabra di mas profundo condolencia.

Vocero di Polis a informa, un rato pasa:
11.55 melding a drenta via Alarm Centrale cu tin un cas na candela den Jan Steenstraat. Na jegada di patroullle y brandweer a bay over na sera e camindanan y paga e candela. Coleganan di brandweer den e cas a bin topa cu e curpa di Dominico Cándido Wernet nasi na Aruba 3 oktober 1954. Dokter Texier a constata morto pa 1.40 pm y e curpa a wordo tuma den beslag. BFTO y Recherche San Nicolas ta hasiendo investigashon na e sitio.