Tanki Leendert: Dialuna algo prome cu 3’or di marduga, varios unidad di polis ta bay cu urgencia pa un atraco arma cu a caba di tuma lugar na e gasstation di CITGO, na Tanki Leendert,
Na yegada polis ta papia cu ambos empleado y nan ta conta cu dos homber, di estatura un poco halto, cu paña colornan scur bisti, cara tapa y arma cu un cuchiu den nan man ta drenta den e lugar y ta grita Atraco. Tur dos ta bula tras di e dos cash registernan y ta cuminsa piki placa. Oranan a caba di piki placa nan ta bandona e sitio bayendo direccion pabou.
Mesora e patruyanan di polis ta cuminsa un buskeda pa e dos personanan aki, den e area di CITGO Tanki Leendert, banda di e scol Mi pret’i Wowo polis a haya algun cent benta abou. Atraco team y Departemento Tecnico di polis a wordo poni na altura.
E dos atracadornan aki tabata papia papiamento sin accent y a logra bay cu mas o menos 2 mil florin.
VOCERO DI POLIS TA INFORMA:
02.55 melding a drenta via Centrale Post cu un atraco a tuma lugar na Citgo Tanki Leendert. Na jega di patrouille na e sitio a bin resulta cu 2 hende homber cu cuchiew a menasa e trahadonan y a logra bay cu más o menos 2000 florin total. Atraco Team, BFTO y Slachtofferhulp a wordo poni na altura y lo bay na e sitio.