Home » Parlamentario Endy Croes di MEP: Mike Eman y Benny Sevinger a fiesta cu 1.6 BIYON di  “BO ARUBA” segun rapport di Algemene Rekenkamer

Parlamentario Endy Croes di MEP: Mike Eman y Benny Sevinger a fiesta cu 1.6 BIYON di  “BO ARUBA” segun rapport di Algemene Rekenkamer

by Admin
0 comment 50 views

 

 

Parlamentario Endy Croes ta splica lo siguiente. Algemene  Rekenkamer Aruba (ARA) a produci un rapport 18 di Januari 2018 cu masha hopi informacion. E cantidad di proyectonan mara den “Bo Aruba” y e grado halto di placa cu a core den e proyectonan aki tabata e rason pa ARA haci un investigacion y p’asina trece claridad den esaki. ARA sinembargo a scoge pa un “beschrijvend onderzoek” cual ta un tipo di investigacion cu e obhetivo solamente pa informa comunidad.  Pues esaki no ta un investigacion forensico ni tampoco un investigacion na fraudenan cu por a tuma lugar den construccion y pues ta na su lugar pa Parlamento di Aruba trata e rapport aki mesora, tuma un decision kico ta bay continua pa huzga esnan kendenan aparentemente a comete fraude den e proyectonan di Bo Aruba.

 

Sordo, ciego y mudo

Berguensa a cuminsa momento cu e ex-mandatario charlatan estafador Benny Sevinger a ricibi e rapport aki desde Januari 2017 unda su persona como minister por a  duna su comentario alrespecto tur locual a wordo detecta. Ta masha normal momento cu cualkier instancia of compania profesional skirbi un rapport, esun responsabel ta haya e oportunidad pa sea duna su comentario of contesta preguntanan prome cu e rapport final wordo publica. Tur e aspectonan aki tin di haber cu e tipo di rapport cu ta wordo skirbi. Benny Sevinger sinembargo a scoge na Januari 2017 pa no contesta ARA absolutamente nada y a usa pues su zwijgrecht. Nos tur por corda con desde 2010 constantemente Mike Eman y Benny Sevinger tabata papia di e mehoracion di producto Aruba. Wel pueblo no spanta!! Proyecto “Bo Aruba” cual AVP a haci cu ‘voorbedachte rade’ ta consisti di 10 “hoofdprojecten” reparti den 241 ‘deel projecten’ di cual solamente 9 tabata pa San Nicolas y 232 tabata pabao di brug. Cu esaki pueblo por mira e stimacion cu AVP tin pa San Nicolas! E suma total presupuesta pa tur ta 1.6 BIYON florin esta 1600 MIYON florin di cual momento cu AVP a baha na 2017 a gasta caba 1 BIYON florin, pues 1000 MIYON florin.

 

Investigacion mas profundo

Durante e investigacion informativo aki ARA  a usa un liña di standardnan basico den mundo di construccion como referencia. Basa riba un cantidad di deficiencianan cu ARA a detecta y a constata a cuminsa formula e risiconan pa cu tur e proyectonan aki. Finalmente ARA a duna su conclusion y recomendacion. Minister Benny Sevinger NO a duna su cooperacion “at all” ni pa contesta of duna su comentario y esaki a wordo skirbi asina tambe den e rapport final. ARA ta recomenda cu mester investigacion mucho mas profundo riba e proyectonan aki como cu tur e proyectonan aki tabata directamente den man di e ministernan primordialmente Benny Sevinger y no tabata basa riba un plan integral. Pues Minister ta ‘call the shots’ y duna amigo trabaonan miyonario. Den un pais normal proyectonan grandi mester tin nan documentacion y mester ta controlabel. Pues mester tin alomenos documentonan den e fase di preparacion y documentacion momento cu decisionnan a wordo tuma y evaluacion di e proyectonan.

 

Fraccion AVP tabata ronca of colabora?

Falta masha hopi informacion, falta hopi documento y no tin un lugar central cu e archivonan di proyectonan Bo Aruba a wordo gefile. Mas tristo di tur esaki rapport di ARA ta conclui cu NO TABATA EXISTI UN LIÑA DI INFORMACION DI PROYECTONAN “BO ARUBA”  PA CU PARLAMENTO DI ARUBA. Pues ministernan tabata dicidi y Parlamento no ta ni ricibi informacion. E grado di parlamentarionan ey di AVP a sirbi e pais aki 8 aña y a strica hunto rond di 5 MIYON florin di pais Aruba na salario y benificionan y no tabata haci nan trabao. Unda Baba Herde, Donkey Tromp, Clariska Velasquez, Desiree Da Sousa, Norman Roos, Donny Rasmijn, Marlon “Jeans”  Sneek, Lorna Varlack, Mervin Wyatt Ras, Jennifer Reyes tabata ta? Esaki djis pa nombra algun. Dieptriest!! Mike Eman y Benny Sevinger a haci “pocho pocho” cu mas di 1 BIYON florin di e pueblo aki na un manera hopi cuestionabel y e Stempel Parlament di AVP tabata ronca of tabata colabora mirando otro banda? Wel lo tuma tempo pero e Parlamento nobo lo percura pa tur envolvi bin duna cuenta y esnan cu a faya lo haya.      

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio