Home » Parlamentario Alan Howell Pueblo ta depende 100 porciento riba Kustwacht pa pone ordo

Parlamentario Alan Howell Pueblo ta depende 100 porciento riba Kustwacht pa pone ordo

by Admin
0 comment 50 views

Parlamentario Alan Howell a expresa cu e ta hopi contento y orguyoso di e trabou realisa pa Kustwacht. E ta menciona un di e casonan spefico cu a tuma lugar diadomingo marduga, na momento cu Kustwacht a gara un boto cu hopi persona ilegal riba dje.
Intencion di tur e ilegalnan aki tabata pa drenta nos isla den vencindario di Savaneta. Howell ta conciente di e situacion grave cu Venezolanonan ta pasando den nan pais. E ta bisa cu “como ser humano ta duel mi pa nan loke ta pasando cu nan den nan pais cu ta Venezuela. Un pais miyones di biaha mas grandi cu nos pais. Un pais miyones di biaha mas rico cu nos pais, pero simplemente no ta aceptabel pa ningun ser humano di ningun pais drenta ilegal aki na nos pais”.
E no ta un situacion facil pa mayoria di e pueblo Venezolano, pero nos pais no por acepta cu hendenan ta drenta na un manera ilegal y mester combati esaki den tur sentido di palabra. Pesey mes e parlamentario di POR ta propone pa gobierno manda e potretnan y video di e accion di Kustwacht diadomingo marduga pa prensa Venezolano. Di e manera aki esnan cu ta pensando di busca e manera di drenta nos isla ilegalmente, por wak cu na nos isla no tin wega y mucho menos ganga.
Finalisando Alan Howell a duna di conoce cu cada bes mas pueblo mester di Kustwacht pa pone ordo y ta manda palabranan di pabien pa e bon trabou realisa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio