Home Politics Parlamentario Endy Croes na Benny, e Charlatan Estafador di AVP: “Benny Bin...

Parlamentario Endy Croes na Benny, e Charlatan Estafador di AVP: “Benny Bin Bij!! Bo no tabata ni sa cuanto tabata e gastonan di bo propio ministerio?”

 

 

Parlamentario Endy Croes ta splica cu e ta haya duele ora e scucha un estafador manera Benny Sevinger sinta papia manera un charlatan durante conferencia di prensa di AVP purbando di continua cu nan manipulacion tratando na keda engaña un pueblo pa purba bin bek na poder. Kico ta mas tristo ta lo siguiente: Awe como Arubiano bo mester tin berguensa di tabata tin ministernan manera Benny Sevinger cu sea no tabata prepara of sea ta OlieDOM pa no papia di ex-Parlamentarionan manera Donkey Tromp como representante di bo pais.

 

Deficiencia den capacidad

Benny e Charlatan Estafador durante conferencia di prensa di AVP a duna un splicacion alrespecto gastonan di ministernan. Textualmente e OlieDom Benny a bisa “Nos (pues AVP)  tabata tin un presupuesto di 9 Minister cu tabata cobra 20 MIYON y awe nos tin 8 Minister cu ta cobra 25 MIYON. Pues bo no a baha e gastonan di e Ministernan.”  Aki Benny ta mustra su deficiencia den capacidad y awor pueblo ta compronde ki tipo di hende a maneha e pais aki y awor por cuminsa compronde e rason pa e Mega Debe y e “desaster financiero” cu AVP a laga atras.  Benny nunca tabata sa cu e gastonan di tur e ministernan di Mike Eman y AVP incluyendo su persona tabata costa e Pais aki 50 MIYON florin pa aña? Con Benny por expresa un bobedad cu esaki tabata costa 20 MIYON florin? Benny no ta na altura cu e gastonan di ministernan den e presupuesto 2018  a wordo reduci di 50 MIYON florin (AVP) pa 30 MIYON florin (Coalicion)? Un reducion di 20 MIYON den comparacion cu gastonan di ministernan di AVP? Kico Benny a haci durante oranan largo cu a trata presupuesto 2018?

 

Disparatenan di Benny

Mas tristo ta cu Fraccion di AVP a haci e pregunta aki por escrito y a ricibi e contesta aki amplio cu splicacion detaya. Den Parlamento tur Fraccion ta ricibi tur contesta cu tur Fraccion a haci por escrito y p’esey mi a tuma mi tempo pa lesa tur e  contestanan riba preguntanan haci pa Fraccion di MEP, POR, RED y AVP. Parlamentario Endy Croes ta splica cu ta dunabo como persona hopi berguensa ora bo tende un hende cu a maneha e pais aki pa 8 aña largo expresa disparatenan asina den prensa. Pues e pober no ta ni na altura cu su Fraccion a haci e pregunta aki y a haya e debido contesta. Di su propio carteranan cu e mes a maneha tambe a wordo contesta. Minister di Infrastructura y Ruimtelijke Ordening, Benny Sevinger su kantoor a costa pueblo na 2016  Afl. 9.585.114 MIYON y na 2017 Afl. 10.743.300 MIYON florin. Den e Coalicion aki e gastonan pa e mesun cartera aki ta Afl. 5.207.000 MIYON florin. Pues un reduccion den gasto di solamente Benny su cartera di 52%!!

 

Manipulacion di AVP ta continua

Algun ehempel riba coordinador. Mike Eman a kibra tur record y tabata tin 147 coordinador riba su payroll mientras Evelyn Wever Croes tin 14. Pues 132 coordinador menos cu a scapa pueblo MIYONES. Benny Sevinger tabata tin 58 coordinador ta cana boks den otro den su kantoor mientras Otmar Oduber manehando e mesun cartera tin 20. Pues e manipulacion cu AVP semper a hiba a continua pero berguensa grandi ta un ex mandatario cu no tabata sa ni cuanto e gastonan di cada minister di su propio kantoor y di su propio gobierno tabata costa. Pa kita tur duda mi lo inclui un tabel cu cifranan real di Departamento di Finansa pa cu gastonan di ministerionan desde 2016 pa 2018. Mi lo percura pa schuif un copia bou di e porta di kantoor di Benny Sevinger (aunke e no t’ey nunca) y lo pone un p’e den su postbus pa e por pone su mes na altura di e realidad. Manera e hobennan ta bisa: Benny Bin Bij!!!!