Zaira Pourier, studiante na Technische Universiteit di Delft, a finalisa siman cu a pasa su estudio
den architectura cu un diseño di e rotacion logistico pa e Terminal di Ferry na San Nicolas.
Rafael Estrada, miembro di San Nicolas Business Association, a asisti Zaira Pourier cu e posibel
lugarnan pa e Terminal di Ferry.
E resultado ta cuadra completamente cu e vision di SNBA. Pa un rotacion logistico optimal por
tuma lugar a diseña e Terminal di Ferry cu diferente pisonan den forma di circulo. E piso abao ta
e lugar di encuentro pa peatonan y pasaheronan cu ta jega of sali cu e Ferry sin cu tin
congestion. E rand di e dak ta ekipa cu panelnan solar cu por produci suficiente energia pa 100
vivienda of un busnan electrico den futuro. Esakinan ta solamente algun di e hopi aspectonan
positivo di e diseño. Pa su asignacion Zaira Pourier a haya un 8.5 y e examinadornan di e
Technische Universiteit di Delft a expresa pa e diseño haya e atencion necesario na Aruba.