Truck ta basha un cantidad grandi di piedra y santo riba caminda

Rooi Bosal: Diabierna pa mas o menos 7’or y 45 di mainta. Presencia di polis ta wordo pidi riba e caminda di Kibaima na altura di Rudsen, pa motibo cu un truck berde carga cu piedra, baranca y santo ta basha esaki riba caminda y a sigui core.

Na yegada enberdad polis ta topa cu hopi santo y piedra riba e caminda, tambe dos auto cu lo a sufri daño.

Polis mesora a cuminsa desvia trafico. E barancanan ta benta riba caminda, for di prome cu Rudsen te na altura di ex Drive Inn.

Un bon samaritano a yega cu un bobcat riba un takelwagen y cuminsa lanta e santo cu e piedranan for di caminda.

D.O.W.tambe a wordo avisa y ta na caminda.