Home » Scouting Aruba ta e siguiente beneficiario di e programa “Superfood Cares”

Scouting Aruba ta e siguiente beneficiario di e programa “Superfood Cares”

by Admin
0 comment 63 views

 

Yudando nan cumpli cu e meta di educa hobennan util y responsabel pa nos comunidad

 

ORANJESTAD, Aruba – 19 di juli 2018: Scouting Aruba a ricibi e grato noticia algun siman patras cu nan ta e siguiente beneficiario di e programa “Superfood Cares di Superfood Plaza”. E programa ta encera cu durante un luna di tempo desde 9 di juli te cu 8 di augustus, clientenan cu shop na Superfood tin oportunidad pa contribui na e organisacion y gana premionan fantastico cortesia di Superfood Plaza. Tur persona cu contribui segun rekisitonan di e programa por participa pa gana e premionan cu Superfood ta ofrece. Pa mas informacion y pa contribui den e programa aki clientenan por puntra e cahera na momento di paga pa compras haci.

 

Scouting Aruba ta motiva clientenan di Superfood y comunidad completo pa haci nan compras na Superfood y asina contribui na e organisacion di Scout di Aruba.

 

Scouting ta un movecion cu ta existi pa mas cu 88 aña caba na Aruba. Meta principal di Scouting ta pa educa y forma hobennan util y responsabel den comunidad. Pa por sigui cumpli cu e meta aki pa hopi aña mas, ta necesario pa por conta cu e sosten di comunidad.

 

E movecion scout ta existi desde aña 1907, funda door di Lord Robert S. Baden Powell. Aki na Aruba a funda Scouting Aruba dia 23 di april 2000, uniendo 4 diferente organisacion scout den un. Scouting Aruba tin 13 grupo scout den diferente districtonan rond di full Aruba. Pa mas informacion tocante Scouting por tuma contacto cu nos via nos facebook page: http://www.facebook.com/ScoutingAruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio