Home » Parlamentario Endy Croes na un Parlamentario OLIEDOM di AVP:

Parlamentario Endy Croes na un Parlamentario OLIEDOM di AVP:

by Admin
0 comment 58 views

“Marlon Sneek y AVP a saca 201 MIYON na dividendo di companianan estatal y awe e kier critica Coalicion”

Parlamentario Endy Croes a tuma nota di e payaso di circo di AVP esta Marlon Sneek skirbiendo un articulo sin contenido. Manera semper e haragannan di AVP kendenan a laga un “desaster financiero” atras y porcierto awe sufriendo di nan derota y keintando banki kier aparenta don sabe lo todo. Marlon Sneek a skirbi textualmente ”Den 8 luna ainda no a duna pueblo algo, alcontrario tur loke pueblo ta hayando ta un cuenta pa paga”. Ta basta curashi bo mester tin. AVP a laga algo pa duna anto? AVP a plunder e pais aki. Mike Eman y AVP a redobla e debe di pais di 40% te rond 90% den 8 aña. Esakinan tabata palabranan recien di Staatssecretaris Raymond Knops. Cada baby cu nace awe tin un debe riba su cabes di Afl. 40.000 florin. Palabranan di Raymond Gradus voorzitter di CAFT juni 2018.

Presta placa sin piedad

Pues no ta MEP ni Coalicion pero ta Hulanda mes ta splicando pueblo publicamente cada ves mas y mas di e desaster cu nan tambe a encontra. AVP a presta placa sin piedad y a causa cu den 2018 Aruba mester paga 216 MIYON florin solamente na interes riba placanan cu AVP a presta. Esaki ta mescos cu 600 mil florin cada dia, pues 365 dia pa aña. AVP a hipoteca Aruba di tal manera cu e proyectonan PPP cu den 2018 mester cuminsa paga pa 20 aña largo 80.7 MIYON pa aña. AVP a bisa pueblo cu awor bo ta wak unda bo placa ta bay pero Mike y AVP no a splica pueblo cu awor bo mes mester bay cuminsa paga pe. Pues dicon Marlon “jeans” Sneek no ta splica pueblo kico si e cu AVP lo brinda pueblo den e situacion horibel cu nan mes a crea? Mike Eman a grita cu e ta orguyoso di e debe y cu e debe t’ey pa nos tur bay pag’e pa futuro.

201 miyon na dividend

Sneek ta bisa tambe den su articulo: “Gobierno actual ta ranca placa di dividendo for di tur compania estatal”. E gobierno actual mester a haci uso di placa di dividendo pa mitiga e dolor pa pueblo pa asina evita mas dolor y ta usa e placa cu gobierno tin derecho riba dje pa haci esaki. Unda Marlon Sneek tabata ta na momento cu AVP y su Ministernan a strica 201 MIYON florin for di e companianan estatal? (mira e documento oficial). Pues 201 MIYON florin a wordo ranca y asina mes prijs di awa y prijs di coriente a subi. A caso Marlon Sneek y AVP ta kere cu pueblo a lubida 1 di october 2014? Tempo cu pa motibo di hedging na un forma cruel cual a costa pais Aruba 300 MIYON florin unda AVP a  subi prijs di awa y coriente. Pueblo a sali bay manifesta dilanti Parlamento y Mike Eman y Mike De Meza a duna “ORDO” pa Riot Comando bati un pueblo indefenso lastrando sernan femenino riba asfalt na un manera bruto y criminal. Prohibi pa lubida. Pues Marlon Sneek promer bo papia wak poco den bo cura. Wak bo pasado y wak cuanto daño bo partido a causa na e pueblo aki. No ple santo awe pasobra e fli ey no lo subi. Ki ora bo papia disparate nos lo sa di atende cu bo riba bo propio nivel. Parlamentario Croes ta enfatisa cu tin hopi cos cu ta prohibi pa lubida y ki ora cu Marlon Sneek, e OLIEDOM di AVP papia e por conta cu reacionnan fuerte basa riba e berdad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio