Home » Graduacion Charolyne Danker pa Bachelor of Arts den Organization, Governance, and Management

Graduacion Charolyne Danker pa Bachelor of Arts den Organization, Governance, and Management

by Admin
0 comment 56 views

 

 

Oranjestad – Diabierna 6 di juli 2018 den Aula di Universidad di Aruba, Charolyne Danker a defende su tesis exitosamente dilanti di e comision di graduacion cu tabata consisti di dr. Mieke de Droog, Judesca Briceño, MSc y Sra. Angelique Croes, Director of Learning & Development na Hilton Aruba. E defensa di e tesis a tuma lugar dilanti di un audiencia mixto di famia y studiante.

Charolyne a haci su pasantia na Hilton Aruba den departamento di Recurso Humano ora e tabata den bachelor 3. Den e tempo ey Charolyne a haci su promer research pa e organisacion aki. Na mes un momento e la experiencia cu e departamento tabata tin  interes den mas investigacion cu tin di haber cu recurso humano. Pa su tesis Charolyne a scoge pa investiga absentismo na Hilton y e strategianan cu tin pa atende cu esaki. Charolyne a haci un investigacion explorativo qualitativo. Ademas cu e la studia literatura di diferente pais tocante e topico aki e la traha un “framework” teoretico y e la haci 13 entrevista. E entrevista aki tabata cu personanan di tres diferente departamento di Hilton Hotel y un doctor di SVB.  Asina e la colecta varios perspectiva tocante e topico interesante aki. E analisis a mustra entre otro cu absentismo por tin su efecto negativo pa organisacion y empleadonan, pero tambe por tin efecto positivo. Ademas di esaki e analisis ta mustra cu e acercamiento di e managers pa nan empleadonan por tin influencia riba ausencia o absentismo. Un di e recomendacionnan di Charolyne ta pa haci un investigacion tocante e topico aki atrobe den futuro cercano. E compania ta hopi contento cu su investigacion cu e varios perspectiva riba e topico aki y recomendacionnan pa e compania.  

Charolyne a gradua den 4 aña cu un lista di cifra impresionante, aunke cu e la traha part-time y e a duna luz aña pasa. Universidad di Aruba, particularmente e departamento di ‘Organization, Governance and Management’, ta felicita Charolyne cu e logro aki y ta desea e tur clase di exito pa su futuro carera. Pa mas informacion riba e estudio OGM, bishita e pagina di web di Universidad di Aruba na http://www.ua.aw/OGM y e pagina di Facebook cual ta https://www.facebook.com/pages/University-of-Aruba-OGM-Organization-Governance-Management-FAS/

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio