Home Police Boksmento cu hopi daño materiaal, truck di SETAR ta drenta den un...

Boksmento cu hopi daño materiaal, truck di SETAR ta drenta den un cura di cas

Caya Papa Juan Pablo II, (Rondweg)Dakota:Diabierna den careda di 4’or di atardi, polis ta wordo manda cu urgencia na e crusada Caya Papa Juan Pablo II cu Dadelstraat, pa un boksmento caminda un truck di Setar a drenta un cura di cas.

Na yegada enberdad nan ta topa cu un Nissan Tiida cu hopi daño material y un truck di setar den un cura di cas. Na e sitio nan a bin compronde cu e Nissan Tiida tabata biniendo di panort y e chauffeur di e Tiida no ta duna preferencia na e truck di Setar cu tabata biniendo di pariba y a sali su dilanti.

E impacto fuerte a pone cu e Nissan Tiida a bira cara panort y e truck di Setar a perde control y a kibra un cura di cas, meter di awa y a drenta bay te na e veranda di e cas.

 

Na prome instante a pidi pa un ambulance, pero despues a bin resulta cu tur dos chauffeur tabata bon y no tabata desea ambulance. Polis di trafico tambe a bin na e sitio pa haci mas investigacion.