Home Police Palo di lus ta kibra y e wayanan ta cay riba un...

Palo di lus ta kibra y e wayanan ta cay riba un auto

Nuñe: Diahuebs algo pasa di 3’or y mey di atardi, polis ta wordo informa cu un palo di lus a caba di cay riba un auto dilanti un cas na Nuñe, e habitantenan a caba di yega cas y a baha for di auto cu e palo di lus su so a kibra.

Mesora a pidi pa presencia di polis y tambe di brandweer, na yegada di brandweer nan a bin compronde cu e palo no a cay riba e auto pero e parti ariba unda e wayanan ta conecta a kibra y esaki a bin abou, e wayanan di voltage halto a cay riba e Toyota Yaris cu den cual e habitantenan a caba di yega cune. Segun un bisiña ela tende manera un explosion y e wayanan mane nan dal na otro nan ta keda tira, tambe ela conta cu ora ela sali pafo ela mira candela ta spaart for di e wayanan cu a cay riba tera y riba e auto,

Na momento cu brandweer a yega na e sitio, no tabata tin candela pero mester a wordo pa e truck di Elmar yega pa desconnecta e coriente pa por yega cerca. Polis tambe e yega na e sitio.

Hopi liher e truck di Elmar a yega na e sitio y mesora a desconnecta e coriente pa cuminsa cu e trabounan necesario pa conecta e coriente bek, cual a wordo haci hopi liher pa e personal di Elmar.

No tabata afortunadamente niun daño person

al pero e explosion a kibra e backshield di e Toyota Yaris y tambe e chispa di candela cu tabata sali for di e wayanan riba e auto a kima un parti di e dak di auto.