Home Sports Aruba Taekwondo Bond “ARTBO” ta felicita Jennifer Baez Garcia pa su logronan...

Aruba Taekwondo Bond “ARTBO” ta felicita Jennifer Baez Garcia pa su logronan na e Pan Americano

Jennifer Baez Garcia tin varios aña caba ta train na Mexico representando Aruba den Poomsee y ta participa pa Aruba bou di e number ARU-1542. Jennifer Baez Garcia a participa na e Pan Americano cu ta un G4 ranking y na e Pan Americano Open cu ta un G1 ranking.

Dr. Guaicaipuro Jimenez y su directiva ta felicita Jennifer Baez Garcia kende a logra dos medaya di Brons na e Pan Americano.
Na e Pan Americano G4 el a gana e prome medaya di brons den poomsee individual -40 aña. E di dos medaya di Brons tabata den Freestyle +17 aña. E di tercer premio el a sali na di 5 luga den Poomsee Team.

Na e Pan Americano Open el a logra dos medaya di brons. Jennifer Baez Garcia a gana e prome medaya den e categoria -40 aña individual. E di dos medaya di brons el a gana den e categoria di grupo di +30 aña.

ARTBO ta sumamente contento cu e resultadonan di Jennifer Baez Garcia y su logronan y pa hisa e Bandera di Aruba na laira na Spokane Washington, USA.