Home » Babet Latour ta experencia factornan positivo cu e sistema nobo Policlinica Ginecologia contento cu dossier medico digital

Babet Latour ta experencia factornan positivo cu e sistema nobo Policlinica Ginecologia contento cu dossier medico digital

by Admin
0 comment 69 views

ORANJESTAD, Aruba – 18 di Juli 2018: Hospital a bay “live” dia 25 di juni cu loke ta digitalisacion di dossier medico di pashent. Durante e prome fase algun policlinica a bay “live” y bou di e grupo aki ta cay e Policlinica Ginecologia. Awo nan tin ya algun siman ta traha cu e sistema nobo aki como specialista y e experiencia di ginecologo dr. Babet Latour ta uno positivo. E ta un proceso cu nan ta custumbrando cun’e poco poco. Loke sigur no por keda sin menciona ta cu e cambio pa digitalisacion di dossier di pashent ta un factor positivo cu lo yuda dokternan haya informacionnan di pashent mas lihe.

 

  1. Babet Latour a duna di conoce cu nan ta custumbra caba na busca hopi cos den computer, pero no ta custumbra pa hinca informacionnan di pashent y print carta. E dokternan a ripara cu e sistema digital di dossier medico aki aya falta ahusta pa asina e traha completamente manera nan ta desea, pero nan por anota hopi cos den dje y esaki sigur ta un factor hopi positivo. Pa dr. Latour e sistema aki ta uno positivo, pasobra por ehempel ya no mester descifra e handschrift di su coleganan dokter. Simplemente e por bay den e dossier digital di e pashent y lesa kico tur a haci y ta haya directamente tur informacion di e pashent.

 

Na e momentonan aki e pashentnan no a deal hopi cu e dossier medico digitalisa. E pashentnan lo ripara cu ora di papia cu nan di un tratamento, e lo pone esaki den e dossier digital di e pashent, asina dr. Latour a duna di conoce. Asina cu e mesun pashent bay cerca un otro dokter, nan no mester splica tur cos di nobo paso e dokter lo haya esaki den e dossier digital di e pashent. Si a realisa un operacion, lo pone un rapport compelto di e operacion den e dossier medico digital y si e pashent yega por ehempel Departamento di Emergencia cu cualkier dolor e dokter di emergencia por mira kico tur dr. Latour a haci durante e operacion. Den e sentido ey, esaki tin hopi beneficio pa pashentnan.

 

E pashentnan a ripara aworaki cu ta tumando un tempo mas largo na e policlinica, pasobra e ta fastioso pa nan ya cu nan tin di yena tur informacion den computer. Pa dr. Latour e dossier medico digital tin un bentaha mas cu ta antes nan ta skirbi informacion riba papel y ta warda esaki den un file y ta pone den un archivo y tin biaha esaki por perde. Dr. Latour a duna di conoce cu antes si un pashent di otro dokter bay cerca dje tin biaha tambe ta dificil pa e logra haya e file.

 

Pa loke ta siguridad di informacion di e pashent ta importante pa menciona cu tur informacion cu dr. Latour hinca den e dossier digital otro persona cu no ta involucra cu e cuido di e pashent no mag di lesa esaki. Den hospital a bin cu acuerdonan super claro, di cual tur hende cu tin acceso na e dossier medico di pashentnan mag mira esaki solamente si nan ta involucra cu e pashent. Siguridad di informacion ta un factor hopi importante pa Hospital y e dunadonan di cuido.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio