Home Local ARUBA MARRIOTT TA CELEBRA E COMUNIDAD DI LGBT

ARUBA MARRIOTT TA CELEBRA E COMUNIDAD DI LGBT

 

 

PALM BEACH, ARUBA  Como cu e luna di juni ta wordo celebra como e luna di PRIDE na mayoria paisnan, Aruba Marriott tambe a forma parti di e celebracion aki door di  activa iluminacionnan di lus colorido representando e bandera di regenboog di PRIDE, riba e mata nan di palma dilanti di e hotel pa ful e luna di juni.

 

Adicionalmente, Aruba Marriott lo hospeda su prome ‘LGBT Culture Day’ pa su asociadonan como tambe pa su clientenan local riba diaranzon sigiente, 25 di juli 2018, unda Marriott su ‘Director of Multicultural Affairs’; Seema Jain, hunto cu co-presentador, Hendrik ‘Endy’ Croes, lo duna un presentacion special riba con pa comunica efectivamente entre diferente culturanan cu un enfoque riba e comunidad di LGBT.

 

E iniciativanan aki ta esfuersonan cu ta sostene Marriott su balornan ‘We Put People First’ y ‘We Serve Our World’ y tin como objetivo pa promove diversidad y inclusion entre bishitantenan, asociadonan y entre e comunidad local, amplificando Aruba Marriott su sosten pa e comunidad di  lesbiana, gay, bisexual y transgénero (LGBT), y transmitiendo Aruba Marriott su compromiso pa duna tur bishitante y asociado e comfortabilidad pa ta ken nan ta, unda cu nan biaha of traha.

 

Mas di Aruba Marriott:

Aruba Marriott Resort & Stellaris Casino a habri na aña 1995 cu 411 camber. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado