Home » Aruba Bank treciendo deporte mas cerca na muchanan Muchanan a disfruta di SAE Soccer Camp

Aruba Bank treciendo deporte mas cerca na muchanan Muchanan a disfruta di SAE Soccer Camp

by Admin
0 comment 76 views

 

 

ORANJESTAD, Aruba – 18 di Juli 2018: Soccer Academy & Education (SAE) a organisa nan camp di futbol pa muchanan di 4 te 18 aña. Aruba Bank tabata orguyoso di por a coopera cu e camp aki. Aruba Bank ta kere den deporte y cu dia di mañan tin miho deportistanan na Aruba.

 

Pa 1 siman largo tanto muchanan muhe como muchanan homber a participa den e camp di SAE na Stadion di Yara. Tur dia e muchanan tabata siña algo diferente y nan tabata hopi motiva. E coachnan tabata siña e muchanan tecnicanan nobo di futbol, pa asina nan por sa kico tur tin cu haci pa hunga futbol mas miho.

 

Aparte di a siña tecnica nobo, coachnan a tuma e tempo pa mehora e tecnicanan bieu. E coachnan di SAE Soccer Camp tabata tuma nan tempo pa splica e muchanan cada detaye chikito pa asina nan mehora pa bira miho den e deporte di futbol.

 

Aruba Bank ta orguyoso di a coopera na e soccer camp y pa mira e muchanan ta siña mas di e deporte cu nan ta gusta, esta futbol. Aruba Bank ta manda palabranan di pabien na SAE Soccer Camp pa organisa un camp exitoso y e muchanan cu a pasa un siman agradabel y dushi di futbol.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio