Home » Un compilacion di potret di entiero di Dyllon Lourens

Un compilacion di potret di entiero di Dyllon Lourens

by Admin
0 comment 80 views

Oranjestad/Sabana Basora: Dialuna merdia pa oranan di atardi, famianan, amigonan y conocirnan di e hoben Dyllon Lourens a compaña nan defunto keri pa su ultimo lugar di sosiego.

Dyllon ta un di e hoben cu siman pasa Diahuebs marduga a fayece den e accidente tragico cu a tuma lugar riba e caminda di Shaba. Dyllon tabata e persona cu tabata riba e brommer. Dyllon tabata un hoben cu tabata gusta core brommer.

E tabata un momento hopi doloroso pa famia, amigonan y conocirnan despedi di nan ser keri, for di oranan tempran di merdia por a nota un cantidad di brommer cu tabata circula riba caminda y tabata bayendo Aurora Funeral home pa mustra nan ultimo respet pa cu e defunto, tambe varios unidad di polis tabata circula den becindario di e cas funeral pa mantene orden publico.

 

Pa mas o menos 4’or di atardi shersh a sali  acompaña pa un cantidad grandi di brommer, prome cu a bay hibe na su ultimo lugar di sosiego a pasa den su caya unda semper e tabata core cu brommer, despues a hibe na su ultimo lugar di sosiego na Santana di Sabana Basora.

Na santana for di 4’or di atardi hende a cuminsa yega y pa ora cu shersh a yega, un cantidad grandi di hendenan tabata para pafo wardando riba e yegada di shersh. Varios motociclista a draai brommer aparentemente esaki lo ta e forma cu algun motociclista lo ta demostra nan respet pa cu e defunto.

Arubanative.com a compila algun potret di salida for di Aurora Funeral Home y tambe di e yegada na Santana.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio