Home » Parlamentario drs. Shailiny Tromp-Lee (MEP): Ta felicita tur instancia y persona cu a keda reconoci recientemente durante e actividad “TRAHADO SOCIAL, CU CURASON TA PONE HENDE CENTRAL”

Parlamentario drs. Shailiny Tromp-Lee (MEP): Ta felicita tur instancia y persona cu a keda reconoci recientemente durante e actividad “TRAHADO SOCIAL, CU CURASON TA PONE HENDE CENTRAL”

by Admin
0 comment 76 views

 

 

Diaranson ultimo Parlamentario Shailiny Tromp Lee a participa na e actividad organisa pa Minister Glenbert Croes di Asuntonan Social cu tabatin como nomber: Trahado Social, cu curason, ta pone hende central.

 

E meta di e actividad tabata pa Gobierno gradici tur e trahadornan den e area social y pa duna nan e reconocimento pa tur e trabou cu nan ta haci pa comunidad di Aruba cu hopi amor. Alabes a crea e oportunidad pa e personanan cu ta traha den e veld social cera conoci personalmente cu otro. Pa por comparti ideanan y mas cu tur cos pa por intercambia con nan ta atende cu diferente reto cu nan ta encontra diariamente. Mas cu claro por a combersa cu Minister Croes.

 

Como parti di e actividad tabatin un presentacion visual di Minister Croes su trabounan durante e 7 ultimo lunanan tras di lomba y tambe tabatin un charla presenta pa sra. Belquis Monreu “E curason ta pone hende central’. Loke mas a resalta di e presentacion di sra. Monreu ta cu el a enfatisa cu hunto nos mester atende cu e problemanan social y cu cada un di nos mester aporta na un miho Aruba. Y esaki nos por logra door di haci’e cu y di curason.

 

Como 150 instancia/fundacion incluyendo Centronan di Bario, Scouting, Asistencia Social a ricibi nan reconocemento. E actividad a tuma luga riba dos dia y alrededor di 425 persona a ricibi nan certificado for di man di Minister Croes.

 

‘Mi kier a haci uzo di e portunidad pa felicita cada un persona y of instancia cu a ricibi nan reconocemento di ta un Trahado Social, cu di curason, ta pone e hende central.

Tambe riba e dos dianan aki a ricibi un reconocemento personanan cu a aporta grandemente y tin di nan te ainda ta haci trabou boluntario. Ta trata di Francisco Celaire, Lucia Kelly, Yvonne Spellen, Candido Boekhoudt, Chico Harms, Glenda Hernandez y Aurita Croes.

Un pabien di curason! Bosonan sigur ta ehempel pa nos hobennan cu na mi opinion mester cuminsa realisa ainda con importante trabou social y of boluntario ta pa nos comunidad.

 

Masha pabien na Minister Croes cu e tremendo actividad aki, y tambe na Rochi Geerman y Darlaine Erasmus cu mi sa a traha hopi duro pa realisa e dos dianan menciona.

 

Por ultimo mi kier indica cu e dia aki ta accentua aun mas e necesidad cu ta existi den pueblo y ta danki na tur e personanan aki ta logra atende cu diferente punto crucial riba tereno social. Pero tin hopi espacio pa mehoracion. P’esey mes ta di suma importancia pa realisa e ehecucion di e Crisisplan Social den su totalidad mas pronto cu ta posibel pa haci posibel cu ta duna e atencion necesario na e area social cu ta den un necesidad hopi grandi, pa duna yudansa na esnan den necesidad riba diferente tereno. P’esaki mester acelera e otorgamento di e fondonan aproba door di Parlamento mas pronto posibel. Mi ta haci un apelacion na Minister di Asuntonan Social, Minister encarga cu Asuntonan Financiero, Sociale Zaken, Dir. Financien y CEBOS pa percura pa finalisa e proceso necesario pa por concretisa e meta pa por inicia cu e ehecucion completo di e Crisisplan Social mas pronto posibel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio