Home » Sr.Jayburtt Dijkhoff ta vocifera den nomber di trahadornan di Departamento di Salud Publico

Sr.Jayburtt Dijkhoff ta vocifera den nomber di trahadornan di Departamento di Salud Publico

by Admin
0 comment 60 views

Dialuna 16 di juli 2018 ta net un siman cu trahador nan di Departamento di Salud Publico a entrega un manifesto na Management Team. E peticion tawata pa director entrega su retiro pa motibo di intimidacion structural y mal funcionamento di dje como director. A pasa un siman cu e no a duna nos como trahador respet door cu ela keda sin contesta nos peticion. Nos como trahador a duna Minister Dangui Oduber mas tempo pa delibera riba e situacion kico lo mester haci. Esaki mirando cu sr. Staring ta nenga cu ela haci algo robes y ta insisti pa e bin back como director. Ela opta pa keda keto riba e tantisimo caso nan di persecucion di trahador nan na DVG. Ela duna silencio riba e punto con e tawata grita trahador y humiya nan, con e tawata duna ordo pa colega nan no traha ni papia cu trahador nan cu e no ta gusta. Ela lubida di menciona e abuso verbal, abuso emocional di trahador nan. Ela lubida cu e mes ta e causante di e intimidacion structural?

Nos a nota siman pasa cu varios noticiero a dicidi di elabora riba caso nan cu ela gana, como si fuera e ta e victima di persecusion. Pero hungando wega sushi, tur hende por gana! Ki mishi un director tin e privilegio di un noticiero na su banda cu ta manda noticia den aire cada bes contra trahador nan? Si nos como trahador tawatin DRH na nos banda pa scirbi tremendo conseho pa huez lesa, nos tambe por a gana e caso. Gana un caso netamente a base di procedura, hamas  y nunca kiermeen cu e director ta inocente! Nos como trahador no a sali dialuna cu a pasa, pasobra nos kier su funcion como director. Absolutamente cu no. Nos a sali pa bisa ta basta cu abuso, ta basta cu inhusticia y intimidacion structural. Pueblo a scucha con placa di belasting ta bai na paga un director cu no ta bezig ta maneha un departamento manera mester ta. Ainda mas, e director ta keda sconde tras di e noticiero y abogado pa bisa cu e no a haci nada robes y ta su trabow ela haci. Nos como trahador no tin nada contra regla, al contrario den gobierno nos ta traha. Nos ta custumbra cu esey. Nos como trahador no tin nada di haber cu politiek. Al contrario, nos ta bringa pa husticia y e berdad. Nos como trahador kier wordo libera for di abuso y intimidacion. Pesey nos a pidi un reaccion di Minister di Turismo, Salud Publico y Deporte pa tende kico lo bira e siguiente paso. Nos ta keda pendiente pa un contesta oficial den e dia nan nos dilanti. Nos como trahador nan no lo rindi asina facil. Libertad di opression pa un y tur!

Jayburtt Dijkhoff
Trahador nan Departamento di Salud Publico

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio