Home Sports Noord Taekwondo Center a celebra 27 aña di existencia na grandi

Noord Taekwondo Center a celebra 27 aña di existencia na grandi

 

 
 
Noord Taekwondo Center a organisa un campeonato nacional di poomsee y combate y 7 scol di Taekwondo a participa na e campeonato aki.
 
Durante di e apertura sra. Nicole Hoevertsz di COA a hiba palabra na tur esnan presente. Sr. Di-Estefano Wernet di Lotto pa Deporte tambe a hiba algun palabra di elogio na tur e atletanan cu a participa na e campeponato. Sr. Jerry Franca di ASU a duna algun palabra di corage na tur e participantenan. 
Presidente di Aruba Taekwondo Bond “ARTBO” Dr. Guaicaipuro Jimenez a felicita tur e participantenan pa nan participacion na e campeonato nacional aki. Dr. Guaicaipuro Jimenez a duna un relato tocante di e direccion cu Taekwondo na Aruba ta bayendo y kiko tur ta e plan pa 2019.
 
Master Melvin Rasmijn di Noord Taekwondo Center a gradici tur e scolnan cu a participa cu nan atletanan, tambe a gradici Lotto pa Deporte pa nan sosten brinda na e di 27 aña di existencia di Noord Taekwondo Center bou guia di Grand Master Chaco Cornelio hunto cu su team dinamico cu a haci tur cos posibel pa por tin un campeonato grandi.
 
Master Eric Barry a haci un curso di refreshment di referee y a splica tur e coachnan tocante di e reglamentonan nobo cu ta na vigor pa e campeonato. Master Augy Tromp, Master David Dubero y Master Eric Barry tabata e 3 refereenan cu a guia e campeonato di poomsee y combate nacional aki.