Home » AVB entregamento di certificado D-Licentie y C-Licentie

AVB entregamento di certificado D-Licentie y C-Licentie

by Admin
0 comment 69 views

Oranjestad, Diabierna anochi a tuma lugar na Piedra Plat Entertainment Center entrega di certificado di D-Licentie y C-Licentie di Concacaf pa nos coachnan, entrenadornan, educadornan di futbol di mucha, di nos hobenan futbolista.

Un total di 46 cursista a logra completa e curso exitosamente. Tin cursista cu a logra nan D-Licentie, tin cu a logra nan C-Licentie y algun cursista a logra ambos D + C-Licentie.

 

E cursonan a wordo duna pa docentenan Ronald Gomez, Glen Sambo y Edgar ‘Gachi’ Erasmus bao guia di Director Technico di Arubaanse Voetbal Bond, Martin Koopman y Etienne Siliee Development Manager Caribe di Concacaf.

E cursonan aki ta di suma importancia pa coach, entrenador, educador, pa asina e por tin un perspectativa amplio con pa entrena. Pa por tin conocemento y comprension pa e wega di futbol y methodonan pa entrena. Pa por tin miho conocemento con pa guia e hoben futbolista den su desaroyo deportivo, psicologico, social y educativo, y pa por juda e hoben futbolista pa desaroya di acuerdo na su nivel di desaroyo.

 

Arubaanse Voetbal Bond ta gradici docentenan Ronald Gomez, Glen Sambo y Edgar ‘Gachi’ Erasmus pa nan bunita trabao como docente pa traha na bienestar di futbol di Aruba y alavez ta felicita tur cursistanan cu nan logro di por a caba nan curso exitosamente y obtene nan certificado di D-Licentie y C-Licentie di Concacaf

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio