Home Sports Aruba Bank contento di a trece FIFA World Cup pa fanaticonan di...

Aruba Bank contento di a trece FIFA World Cup pa fanaticonan di futbol

 

 

ORANJESTAD, Aruba – 16 di Juli 2018: E aña aki Aruba Bank y Telearuba a cera un partnership pa transmiti e weganan di FIFA World Cup 2018, treciendo e mundial mas cerca di comunidad. Desde 14 di Juni te cu 15 di Juli Telearuba a presenta e weganan di futbol.

 

Aruba Bank tabata e sponsor principal di e transmision, unda cu tur hende por a mira y apoya nan team preferi. Aruba Bank tabata e anfitrion di dos evento di Telearuba cu tabata dia 14 di Juni dia di apertura y prome wega di mundial y dia 26 di Juni. Tur dia di wega, Aruba Bank su clientela por a disfruta di e transmision sinta den banco wardando nan turno pa ta atendi.

 

Durante e World Cup Aruba Bank a entretene comunidad di Aruba cu nan rifa y premionan riba Facebook, pero tambe tabata saca ganadonan “on the spot” den banco y hopi mas. Aruba Bank ta gradici comunidad Aruba pa nan confiansa y sosten durante e temporada di World Cup.