80
Green Corridor – Balashi, Diasabra mainta algo pasa di 11’or, polis di trafico a bay pabou di e brug ariba Green Corridor pa un accidente.
Na e sitio ariba e banda robes, bayendo e rotonde ex Drive Inn un Hyundai Atos a dal un palo di luz y despues cay ariba su banda.
Segun nos a compronde, e chauffeur pa un of otro motibo a bay mucho na su man robes y esaki a causa cu ela subi e tera dal e palo di luz kibra pa despues cay di banda.
Polis mester a cera e rotonde na Pos Chikito, pa asina evita trafico for di pariba cu ta baha cu velocidad halto.
Takelwagen a presenta pa a lanta e vehiculo.
Ayera tardi altura di Wayaca Falls un accidente a sosode caminda un palo di luz a ser kibra.
Loke nos kier ilustra ta e peliger ariba Green Corridor, esta cu no tin rails pa proteha e automobilistanan si algo bay completamente robes.
Esta si un vehiculo cu velocidad hopi halto perde control y kita bay na su man robes. E cero di tera por bay fungi como un rampa, y cu tur su consecuencianan.
Algun tempo atras un auto a pasa bay te otro banda, pabou di rotonde Mahuma. https://arubanative.com/2018/01/06/mester-pone-beton-mey-mey-di-green-corridor-prome-cu-ta-laat-auto-a-pasa-over-bay-bolter-otro-banda-di-caminda/