Home Local Unidad BOT-K9 Arubano di KIA/CEA a entrena polis Mericano na St. Paul...

Unidad BOT-K9 Arubano di KIA/CEA a entrena polis Mericano na St. Paul Minnesota

 

ORANJESTAD – E United States Police Canine Association a invita Aruba su “Bijzonder Ondersteuningsteam-Hondenbrigade” (BOT-K9) di KIA/CEA, pa bay Minnesota, Merca y train alrededor di 25 team di cacho di diferente cuerpo di polis Mericano. E training a cuminsa dia 9 di juli y a termina dia 12 di juli. E metodo di train e teamnan tawata segun e metodo cu ta train e teamnan di Aruba. Nan a train nan entre otro pa listra edificio y con pa detene sospechosonan agresivo.

E BOT-K9 Arubano tin cachonan cu ta listra droga, placa, arma di candela/municion y telefonnan cellular, como tambe cachonan di atake. Unidad BOT-K9 Arubano tambe tin un excelente reputacion internacional riba tereno di implementacion di cachonan pa listra y cachonan di atake den teamnan tactico y pa e calidad di e teamnan di cacho Arubano.