Home » Graduacion Thais Franken pa Bachelor of Arts den Organization, Governance, and Management

Graduacion Thais Franken pa Bachelor of Arts den Organization, Governance, and Management

by Admin
0 comment 86 views

Oranjestad – Diabierna 6 di juli den Aula di Universidad di Aruba, Thais Franken a defende su tesis exitosamente dilanti di e comision di graduacion cu tabata consisti di dr. Luc Alofs, drs. Yolanda Richardson y Zulema Dabian-Erasmus, M.A. E defensa di e tesis a tuma lugar dilanti di un audiencia mixto di famia y studiante.

Thais a haci su pasantia na Departamento di Economia, Comercio y Industria (DEZHI). Aya su pasion pa cultura y su interes den e tema di “Sustainable Development Goals” (SDGs) den e area di cultura y creatividad, cu lo por ta un posibel pilar economico nobo pa Aruba, a crece mas y mas. Prome cu esaki Thais a haci un intercambio educacional na Belgica y e la haci un “summer course” na Haagse Hogeschool. Como studiante Thais tabata asistente di dr. Luc Alofs den cuadro di e proyecto Travelling Cultural Heritage, cual proyecto ta financia pa Instituto Hulandes pa investigacion scientifico (NWO).

Den cuadro di su tesis Thais a studia entre otro documentonan nacional di maneho economico, documentonan di UNESCO y documento cu ta investiga con paisnan cu un economia chikito (SIDS) por atende cu e tema di “Sustainable Development”. Tambe e graduada a haci un inventarisacion di recursonan cultural y creativo di Aruba. Thais a entrevista 16 representante den e veld cultural y creativo y e la haci un SWOT y TOWS analysis. E analysis a duna 28 strategia cu lo por facilita un desaroyo di un niche nobo na Aruba den e area di cultura y creatividad e asina yama “Culture and Creative Industries (CCI).

Thais awor ta bay haci su master na Universidad di Maastricht.
Universidad di Aruba, particularmente e departamento di ‘Organization, Governance, and Management’, ta felicita Thais cu e logro aki y ta desea e tur clase di exito na Maastricht. Pa mas informacion riba e estudio OGM, bishita e pagina di web di Universidad di Aruba na http://www.ua.aw/OGM y e pagina di Facebook cual ta https://www.facebook.com/pages/University-of-Aruba-OGM-Organization-Governance-Management-FAS/

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio