Home » Departamento di Asuntonan Economico/IDEA cu diferente training

Departamento di Asuntonan Economico/IDEA cu diferente training

by Admin
0 comment 56 views

ORANJESTAD – Departamento di Asuntonan Economico/IDEA a organisa 3 diferente workshop den luna di mei y juli tocante “Good Regulatory Practices (GRP) and Regulatory Impact Assessment (RIA)”, “Awareness on Good Agriculture Practices and Organic Standards for Fresh Fruit & Vegetables” y “Plastic Greenhouses for Vegetables production” pa representantenan di sector publico, agricultornan, y negoshinan micro, chikito y mediano, den cuadro di e proyecto COSME (Caribbean Overseas Small and Medium Enterprises), cu a tuma lugar na Departamento di Asuntonan Economico, riba 21, 22, 24 y 25 mei y riba 4 y 5 di juli 2018.

 

E proyecto di COSME ta un programa cu ta financia door di e fondonan regional di Union Europeo cu ta destina specialmente pa e OCT nan (Overseas Countries and Territories) desde april 2014.

 

E programa tin tres obhetivo specifico:

  1. Reenforsa e capacidad di e maneho di e OCT nan den Caribe pa duna servicio na e sector di comercio.
  2. Mehora e capacidad di “Business Service Organizations (BSOs)” pa drenta den e maneho publico/priva y dialogo administrativo reforma cu gobierno y duna servicio na e constitucion di e SMEs.
  3. Promove un colaboracion mas fuerte cu comercio y relacion di  inversion entre Union Europeo, CARIFORUM y e “Caribbean OCTs”.

 

Workshop “Good Regulatory Practices” (GRP) riba 21 y 22 mei 2018

E moderador pa e workshop di “Good Regulatory Practices”(GRP) tawata Sr. Ramon Madrinan, un abogado Colombiano cu a finalisa su estudio na Harvard Law School. Sr. Madrinan ta actualmente director di Economic Regulation di Ministry of Industry, Commerce and Tourism na Colombia y ta un negociante den International Trade.

A trata esiguiente topiconan den e workshop:

A: Kiko ta un GRP

B: Beneficionan di un GRP

C: Principionan di un GRP

D: Relacion cu acuerdonan di World Trade Organization (WTO)/Technical Barriers to Trade Agreement (TBT)

E: Kiko ta RIA

F: Modelonan di RIA

G: E Roadmap di GRP indica pa Aruba  

 

Workshop “Awareness on Good Agriculture Practices (GAP) and Organic Standards for Fresh Fruit & Vegetables” riba 24 y 25 mei 2018

E moderador pa e workshop aki tawata sr.  Kent E. Coipel. Sr. Coipel ta un Technical Specialist na Inter-american Institute for Cooperation on Agriculture (IICA). E ta responsabel pa implementacion di programanan di IICA na Dominica.

A trata e siguiente topiconan:

A: Kiko ta GAP

B: Peligronan cu por wordo asocia cu producción di berdura y fruta fresco

C: Practiconan y proceduranan di un bon higiena

D: Con pa mantene un bon raport

E: Con nan ta monitor e sistema di GAP

F: E background di CODEX (código di cuminda)

G: Produccion organico

H: Codex Organic Standards

I: Inspeccion y certificacion

 

Workshop “Plastic Greenhouses for Vegetable Production” riba 4 te cu 6 juli 2018

E moderador pa e workshop aki tawata sr. Cristian Harel. Sr. Harel ta un francés cu a studia Agronomist Engineer specialisa den horticultor y ta support e Ministerio di Agricultura y comisionan y companianan di Agricultura como Team leader riba proyectonan di agricultura. A organisa e workshop hunto cu Santa Rosa. Sr. Harel a bishita diferente agricultornan local manera: Goshen Sustainable Development, Farm 297, Cunucu Fresh, Happy Ponics, Micro Greens, hydroponic farmers, otro cunukeronan y tambe un par di hotel pa asina wak nan sistema di Greenhouse y nan cunucu pa duna nan conseho riba e materia aki.

A trata e siguiente topiconan:

A: Normanan di Plastic Greenhouses: size, localidad, frame & plastic cover

B: Normanan di Irrigation & Fertilisation: exigencia den e maneho, necesidad di awa y nutricion, tecnica di cultivacion,   ekipo di drip irrigation; spray/mist irrigation; head station

C: Crops production y normanan pa e organisacion di agricultor

D: Kiko ta GAP

E: Salubridad di e trahadonan & midimento di e seguridad

F: Un bon Sistema di mantene un raportahe

G: Emergencia

H: Codex Organic Standards

I: Inspeccion y certificación

J: Standardnan Internacional

K: E reto di SBBS

L: Maneho di SBBS pa e calidad y importancia di medio ambiente

M: GlobalGAP & ISO 14001

N: kiko ta un EMS (Environmental Management System)

O: E modelo di Plan-Do-Check-Act (PDCA)

P: Pakiko implementa EMS y e elementonan importante di EMS

Q: Reuso di awa y Agricultura  

Riba e ultimo dia, 6 juli 2018, sr. Harel a reuni cu representantenan di Santa Rosa, Departamento di Asuntonan Economico/IDEA, Departamento di Salubridad tocante su rapport cu e la traha riba su bishita na e agricultornan (cu ta ocupa cu e proyecto di Greenhouse) cu despues nan lo present’e na Minister di Sector di Transporte, Comunicacion y Sector Primario y Minister di Finansas, Economia y Cultura.

 

IDEA ta gradici consultant sr. Michael Seepersaud  cu ta e Team Leader y Key Expert di e consultancy Steinbeis den e programa di COSME y tambe consultant sr. Dwight Tjin Kon Kiem, Private Sector Development Expert (Dutch OCTs) den e programa di COSME pa financia Aruba cu e workshopnan aki.

 

Un total di 76 participante a acudi na e 3 diferente workshopnan.

IDEA ta gradici tur colega di DEZHI cu a yuda pa haci e workshop posibel, specialmente nos coleganan sra. Clarina Geerman y sr. Xavier Boekhoudt y tambe sra. Vanessa Rasmussen di AHATA  pa su cooperacion. Tambe IDEA ta gradici Santa Rosa y su team pa nan tremendo cooperacion den yuda organisa e dos diferente workshop pa e sector primario.

 

Keda pendiente y sigui nos riba Facebook pa mas workshop den futuro.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio