Home » VIDEO: Accidente cruel na Shaba, ora cu un Hayabusa a dal den banda di un Nissan Sentra

VIDEO: Accidente cruel na Shaba, ora cu un Hayabusa a dal den banda di un Nissan Sentra

by Admin
0 comment 57 views
Shaba – Diahuebs marduga, 3:23 am. Aruba ta wordo sacudi, momento cu un accidente serio di auto ta sosode dilanti e Mall na Shaba. Dos persona ta perde nan bida al instante.
Vocero suplente di cuerpo policial a duna e siguiente informacion:
“Awe diahuebs madruga pa 3:23 central ta haya jamada di un accident hopi grave na shaba na altura di Sun Shade Optica.  Na jegada di patrouille ta pidi pa ambulance di biaha mirando e situacion di e dos victima na e luga di e susedido. Loke por a compronde cu e auto nissan sentra blauw biniendo direcion zuid lo mester a crusa na momento cu un brommer hayabusa color blanco ta bayendo direcion noord. E impacto tabata hopi fuerte na unda cu e chauffeur di auto  a keda den e auto y esun sinta na banda a keda riba caminda hunto cu chauffeur di e brommer. Ambulance ta jega na e sitio y no por hasi nada pa e dos victimanan cu tabata riba caminda . A pidi specialista di trafico tambe BFTO, slachtofferhulp y tambe brandweer a presenta pa duna un man .  Dr Texeir a jega na e sitio di e susedido y a constata morto pa 4or di  e victimanan. Ta trata di Wendell A.R. de LEEUW naci 25 december 1995 na Aruba y Dyllon A. LOURENS ( chauffeur di e brommer) naci 1 oktober 1995 na Aruba .  E chauffeur di e nissan ambulance a bay cu ne cu urgencia pa hospital. Te awo su situacion ta critico”.
Nos di Cuerpo Policial Aruba ta manda palabra di condolencia na famia di e fayecidonan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio