ORANJESTAD, Aruba – 10 di Juli 2018: Colegio San Antonio a organisa nan kids camp y pa esaki a invita Parlamentario di Fraccion di AVP, Michael Lampe pa duna un tayer. E tayer aki tabata consisti pa cera e muchanan conoci cu algun instrumento.
Parlamentario Lampe a elabora di instrumentonan di Aruba, a mustra e muchanan e wiri. Tambe e muchanan mes a duna nan input riba tambu of musica di cah’i orgel. Den e tayer a siña riba diferente ritmo tanto local como en general. A parti nan den diferente grupo, unda cada un a haci diferente ritmo cu nan man.
E muchanan hunto cu e Parlamentario a traha riba cantica y a canta esaki. E muchanan tabata contento di a haya e oportunidad di siña e diferente formanan con pa traha ritmo. Algun di e muchanan tabata interesa den a parti di DJ y siña con esaki ta funciona. E Parlamentario a bay cu su ekipo di DJ y a duna nan un tayer riba e forma aki tambe.
A cera e tayer tratando “body precaution”, unda a mustra e muchanan con pa traha diferente ritmo y zonido haciendo uzo di nan curpa. Parlamentario Lampe a haci uzo di un video, cual a mustra un “inside” con esey ta funciona. Pa Parlamentario Lampe, e oportundad di por comparti su experiencia y estudio cu muchanan den vakantie, ta inolvidabel.