Home » Parlamentario Endy Croes di MEP: Benny Sevinger ta un Charlatan cu a comete fraude ‘foncière gouvernamentale’

Parlamentario Endy Croes di MEP: Benny Sevinger ta un Charlatan cu a comete fraude ‘foncière gouvernamentale’

by Admin
0 comment 42 views

 

 

Parlamentario Endy Croes a tuma nota cu Benny Sevinger diripiente ta en busca di un bida politico of manera un programa conoci “Who wants to be a Millionaire”, en busca di un Life Line. Benny Sevinger durante henter siman a sinta cuestiona 2 cos. Uno  alrespecto Serlimar y di dos constantemente Benny ta usa e “telraam” di su colega Marlon Sneek papiando pataraca spantando pensionadonan cu 12000 lo perde nan reparatietoeslag. No ta tur ora mi tin tempo pa atende cu Benny pero un persona cu a yuda “HORTA” tereno di pais Aruba facilitando amigonan politico pa yega na patrimonio di pueblo na prijs di baca flaco anto despues bende esakinan pa sumanan miyonario unda muy probablemente Benny lo tabata haya su share riba cualkier cuenta pafor di Aruba mester por tin hopi berguensa te hasta pa papia.

 

Charlatan y estafador

Benny ta sinonimo na un CHARLATAN. Kico ta e caracteristicanan di un Charlatan? Un Charlatan ta un persona cu mediante su estilo di papia ta convence hende pa cumpra producto (tereno) hopi biaha na un manera fraudulento. Charlatan ta un sinonimo di un “ESTAFADOR”.  Locual Benny Sevinger a comete contra Pais Aruba usando su Chief of Staf Freddy Every y dos otro amigo entre otro sr. Abath y un tal Louchi pa yega na su obhetivo esta pasa terenonan como optie pa entre otro Leoncita na un manera ilegal pa despues bendenan pa sumanan miyonario, ta imperdonabel. Benny Sevinger ta un ESTAFADOR di e Pais aki. Mi kier reta Benny “Charlatan” pa splica di e tereno cu el a otorga na Charm Rock Development N.V.

 

Bendemento di tereno

Lagami yuda Benny corda kico el a haci y con nan tabata “mafia” e pida baranca aki. Peticion di Mario Antonio Arends (Canal 90) a drenta kantoor di Benny dia 15 di September 2014 (mira e stempel) pa un pida tereno di 42.096 m2, esta mas cu 40 mil vierkante meter den Colony. Benny sin pidi ningun conseho alaves a bypass tur procedura ta firma (1) un dia despues (mira e documento) esta 16 di September 2014 usando su palabra magico: “Akkoord Conform, Gaarne Uw medewerking”.  Pueblo puntra bo mes si esaki ta normal? Tin ciudadano ta wardando entre 4 y 10 aña pa haya kisas 400 m2 pa traha un cas y amigo intimo di Benny (Canal 90) ta haya aprobacion di ex minister Benny Sevinger den 1 dia. E tereno aki awor cu gobierno nobo a sinta ya a wordo bendi cu desaroyadornan Spaño/Venezolano.  Esaki ta un di e cantidadnan cu a bay na e manera aki.

Fraude di siglo

P’esey mi ta puntra mi mes ta ki credibilidad un Charlatan manera Benny por tin pa skirbi artikelnan den prensa pa convence ken? Benny no tin berguensa di cana den pueblo? Awor e ta buscando bida politico y a usa un “Life Line” manera e programa “who wants to be a millionaire” y a scoge e life line pa “call a friend”. Aki Benny a yama Mike Eman y Mike Eman a pidie pa cuminsa skirbi cu 12000 pensionado lo perde nan reparatie toeslag. Que barbaridad! Adhunto nos ta manda prueba cu firma di Benny pa asina e no desvia atencion di e realidad y pueblo por sa e berdad. Spera Benny para duro pa su actonan pronto. Benny no por sali limpi di e FRAUDE di siglo di tereno. Na Frances nan lo bisa cu Benny a comete fraude foncière gouvernamentale. Pues Benny a comete fraude cu tereno di gobierno. Spera cu OM ta lesando pasobra e tempo a yega pa actua, Endy Croes a termina splicando.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio