Home » Minister Dangui Oduber: “Aruba por ta orguyoso di pasonan cu Hospital ta tumando”

Minister Dangui Oduber: “Aruba por ta orguyoso di pasonan cu Hospital ta tumando”

by Admin
0 comment 86 views

 

 

Recientemente Hospital di Aruba a anuncia cu entrante november e aña aki, nan lo ta moviendo e sistema di dossier tradicional (papel hinca den map), pa uno digitalisa. Cu e introduccion aki, dr. Horacio Oduber Hospital (HOH) ta dal un paso grandi den innovacion, cual ta na beneficio di tur pashent.

 

Minister Dangui Oduber, encarga cu e cartera di Salubridad Publico ta bisa cu Aruba por ta orguyoso di e pasonan cu Hospital ta tumando. “Un pabien ta bay na Hospital, specialmente e grupo di trabou IMP@CT cu ta haciendo nan maximo esfuerso pa e proyecto aki”, e mandatario ta bisa.

E mandatario ta apoya grandemente tipo di proyectonan asina aki cu ta yuda na brinda un miho cuido medico na nos comunidad. No solamente cuido medico, pero tambe e ta sirbi manera un punto di alerta pa por ehempel casonan di abuso. Sr. Dangui Oduber a para keto un rato riba e caso di e dos angelitonan cu a perde nan bida. “Un sistema asina aki lo por a yuda preveni pa e situacion ey pasa. Si mediconan por a wak e dossiernan den un forma digital, e lo por a cende un luz cu algo no tabata bon.” Sr. Dangui Oduber no tin nada mas cu elogio pa e logro aki di Hospital y ta positivo cu e cambio aki lo aporta na mehoracion di cuido medico.

Finalisando e mandatario ta bisa “cu den un futuro cercano lo kier sinta conhuntamente cu Hospital, HAVA y AZV pa wak den ki forma lo por amplia e sistema aki den forma di cooperacion. Tumando na cuenta cu awo tin un Gobierno nobo y cu tin un bon laso entre e diferente instancianan aki, por crea mas posibilidad pa pashentnan wordo miho atendi.”

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio