121
Sasaki – Dialuna marduga 1:45, yamada ta drenta na 911 cu un auto a bolter panort di Superfood, ariba Sasaki.
Mes ora varios patruya y tambe ambulance a cuminsa bay pa e sitio.
Manera tur hende sa, e area banda di Superfood ta bou construccion pa algun tempo caba.
Y pa e motibo aki tin varios desviacion di trafico.
Na yegada parti pariba di caminda, unda nan ta bezig cu construccion nan ta haya un Hyundai Getz.
Na stuur di e Getz un dama, cu tawata seriamente herida.
Personal di ambulance na yegada mes ora a cuminsa prepara e dama cu no tawata reacciona pa Hospitaal.
Na e sitio nos a compronde cu e Hyundai Getz tawata bayendo direccion zuid.
Y pa un of otro motibo ta bay na su man robes y cu velocidad halto e ta bolter y cay ariba su wielnan bek parti pariba di caminda.
Eynan polisnan a bin a haye y nan por a mira cu e ta seriamente herida.
Mirando seriedad di e accidente, a pidi pa specialista di trafico.