E di prome edicion di Presidente Summer Street Concert ta
priminti di bay ta uno impreshonante. Diahuebs atardi Presidente
hunto cu Elite Empire Entertainment a anuncia e artistanan
confirma. Ta trata aki di Ir-Sais (NL), Dongo (Cur), Upgrade Music
ft Jeon, DJ Outkast (SXM), for di Colombia DJ Bash (Dj Official di
Nicky Jam) y mucho mas. Tur cos lo tuma lugar durante
transcurso di un anochi, Diasabra 28 di Juli 2018. Riba e anochi
aki e “Main Acts” lo ta riba e main stage cu ta bay a riba caya cu
ta priminti di ta un setup fenomenal, tambe e clubnan local
manera Hotshotz, Rain, y 7 West lo tin tur e DJ nan local pa asina
hasi e Presidente Summer Street Concert aki uno inolvidable.
Carchinan ta obtenibel desde otro siman na Citgo Palm Beach,
Citgo Boulevard, y Citgo Essoville. Dialuna lo sali na benta mesa
nan pa e seccion nan di VIP. Lo por cumpra carchi online tambe
via di e event page di Presidente Summer Street Concert.
Durante e rueda di prensa Cerbez Presidente a duna di conoce
cu lo tin diferente campaña unda cu lo por bay gana carchinan pa
ta presente na e Presidente Summer Street Concert 2018.
Den e sigiente simanan lo elabora mas amplio riba e carrera y
cancionan musical di e diferente artistanan cu lo ta parti di
Presidente Summer Street Concert 2018.
E Presidente Summer Street Concert lo ta 18+.