Home » Cobertura di e Parada di victoria di e team di Futbol di Dakota, campeon division di honor

Cobertura di e Parada di victoria di e team di Futbol di Dakota, campeon division di honor

by Admin
0 comment 64 views

Bario di Dakota a celebra nan victoria, como campeonnan den futbol division honor di Aruba.

Diadomingo tabata E dia pa e dushi bario di Dakota, e tabata henter un dia di celebracion, pa motibo cu Dakota a coi campeon den futbol division honor di Aruba. E ultimo biaha cu e team di Dakota a coi campeon tabata na aña 1995.

E celebracion a cuminsa cu gradicimento na Dios prome y cu bendicion pa full e team di futbol, na misa La Birgen di Fatima, Pastoor Szpila a bendiciona cada un di e hungadornan y a duna un bunita speach durante e sacrificio di Misa.

Despues di merdia pa mas o menos 2’or, nan a sali cu un parada di auto basta grandi for di Centro di Bario Dakota, nan a sali pa saluda e pueblo di Aruba y tur caminda tabata tin auto staciona wardando e parada yega pa saluda e team victorioso di DAKOTA TUR DIA.

E parada a sali for di Dakota, a pasa cumana, dje nan a pasa saluda nan team amigo Estrella den Santa Cruz, Paradera, Catiri, Moko, Noord, Tanki Flip, Oranjestad, rotonde Banco di Caribe y asina a drenta bek Dakota.

Despues e celebracion a sigui na Centro di bario Dakota, caminda habitantenan di e dushi bario Dakota a bin hunto y ta celebrando nan victoria.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio