De Vuyst – Diahuebs anochi laat, den careda di 11’or pasa polis y tambe ambulance a wordo manda cu urgencia pa un adres na De Vuyst.
E motibo tawata y loke pa un mama ta un sla hopi duro, momento cu e ta haya su yiu homber no ta halando rosea.
Mes ora ta bati alarma.
Segun nos a compronde, e señora mama di hoben a yega cas e anochi, y lo a tawata yama e yiu, pero esaki no tawata contesta.
Baño di awa frieu
Momento cu mama lo a bay mira den camber unda e hoben ta, e ta haye ariba cama y no tawata halando rosea.
Dos ambulance tawata na caminda
Na yegada di polis, agentenan a pidi ambulance cu urgencia, e momento ey aparentemente no tawata tin ambulance disponibel na Centro Medico cu por a yega mas lihe.
Ambulance lo a tawata biniendo for di pabou di brug, y lo tawata altura di Savaneta.
E dos ambulancenan despues di cera na e adres, no por a haci nada mas. E momento a bay over pa avisa Dokter, cu lo a bira Dr Britt Croes.
Instancianan concerni manera Slachtofferhulp y tambe recherche a presenta na e adres.
Por a mira masha hopi bisiña a lanta y a bay na e cas pa asina mira kiko a pasa y tambe duna sosten na e famia.
E morto di e hoben aki conoci como Fausto, a conmove e bario completo y tambe su coleganan di Price Smart.
Dos dia prome e hoben hunto cu coleganan tawata mira e wega di mundial.
Nos a compronde cu coleganan ta den shock y alabes tristo, cu e hoben cu tawata bon bon ta fayece diripente asina.
Di parti Arubanative.com nos a kier a manda nos mas sincero palabra di pesame y cu Dios tata poderoso duna mama di Fausto hopi forsa den e dianan cu ta bin.
Cu Fausto sosega na paz.
