Un ora prome cu e reunion publico riba desaroyonan den Serlimar, Staten a ricibi un carta for di Gobierno.
Den e carta aki ta splica cu: (1) Nan no lo cobra pa recohe sushi den aña 2018. Esaki p’e motibo cu ya tin fondo aloca pa esaki den presupuesto. (2) Adicional gobierno a duna di conoce cu nan lo revisa e maneho cu kier hiba pa cobra pa recohe sushi y presenta esaki na Staten augustus venidero.
Cu e carta aki e contestanan incompleto ricibi anteriormente door di e mandatario, encarga cu entre otro Infrastructura y Medio ambiente, ta wordo completa. Es decir no tin motibo mas pa e reunion publico
Awe nos estado di derecho a prevalece y esaki debi na liderazgo di e lider di coalicion, Minister President Wever-Croes cu a respeta e organo Parlamento y revoca e decision tuma anteriormente door di Conseho di Minister.