For di 4 te cu 25 di juni ultimo Fundacion Telefon pa Hubentud Aruba a ofrece 160 empleado di KIA workshop tocante dos modulo cu nan por uza den nan trabao diario. Haciendo uzo di e modulonan aki lo por yudanan implementa nan trabao cu e detenidonan mas mihor ainda.
E modulonan cu a ser trata ta tres di e bintiun modulonan cu e boluntarionan di Fundacion Telefon pa Hubentud Aruba tambe ta ricibi den nan training basico. Ta trata di e modulonan: Norma y Balor, ‘Luister- en gesprekstechnieken’ y ‘Gespreksmodel’. Cu e informacion ricibi nan lo por comprende un detenido mihor y yude obhetivamente y comunica cune efectivamente.
Na e manera aki Fundacion Telefon pa Hubentud Aruba ta comparti ‘Best Practice’ cu otro organisacionnan na Aruba. Fundacion Telefon pa Hubentud Aruba kier a gradici KIA pa e confiansa deposita den Fundacion Telefon pa Hubentud Aruba y ta spera di por a contribui na un instituto y pais mas sigur.
