Marisol Lopez-Tromp, lider di Fraccion di POR CAFT ta haya c gobierno ta cumpliendo

Den conferencia di prensa di Fraccion di POR, Marisol Lopez-Tromp a comenta cu tur fraccion den Parlamento a reuni cu CAFT den cual e organo di control aki a duna un splicacion di e ultimo desaroyonan pa loke ta e situacion financiero na Aruba, particularmente presupuesto 2018.
CAFT ta haya cu gobierno ta cumpli cu e consehonan cu nan a duna, cu gobierno ta dunando e importancia na reduci e debe di Aruba y hiba un maneho cu ta bay den bon direccion.
Lider di Fraccion di POR ta considera e noticia aki uno positivo, mas ainda teniendo na cuenta e situacion financiero cu gobierno actual a hereda, cual ta uno den cual nos pais no solamente ta hopi endeuda, pero tambe cu un presupuesto cu mester a wordo adapta, cu un presupuesto cu no a wordo entrega na tempo, manera prescribi pa ley, door di e ex minister di Finansas y esaki a pone cu a tarda cu tratamento di dje den Parlamento.