ORANJESTAD – Na Aruba nos tur sa celebra Dia di San Juan, dia 24 di juni. Esaki ta un celebracion cultural y NO ta un dia pa kima desperdicio den forma iresponsabel. Nos medio ambiente y naturalesa ta frecuentemente den noticia. Ta nos deber como instancia cu ta maneha y conseha ariba asuntonan di medio ambiente, pa duna informacion corecto relaciona cu leynan cu ta pertenece na e tratamento di nos medio ambiente. Nos ta recorda e comunidad cu e celebracion mester keda uno cu tin di haber cu cultura y no bira algo cu ta un acto contra ley; un acto contra nos naturalesa.
Conforme nos algemene politieverordening artikel 14 y 23 ta prohibi pa cende y tin candela riba tereno publico como tambe causa molester di huma of candela riba caminda publico of na bisiña of vecindario.
San Juan ta bin San Juan ta bay, feliz dia di San Juan!