ORANJESTAD, Aruba – 19 di Juni 2018: Den fin di siman e programa di Caminata MetaFit 2018 a continua, desde mainta trempan participantenan a yega pa participa na e “Seroe Colorado Walk”cu a inclui canamento of coremento di sea 7 KM of 12.5KM.
Participantenan tabata entusiasma y yen di energia pa cana y core den Seroe Colorado. Prome cu e caminata di fin di siman, 4 dama a reta otro y e meta tabata pa mira ken lo yega prome. Di Maduro Travel a competi Isabelle Welage y Sorayda Maduro (ganado) a reta otro den 7KM, mientras cu Sandra Besaril y Lili Krozendijk (ganado) a reta otro den 7KM.
Participantenan tabata yega final satisfecho despues di a logra nan meta. Tur participante a gradici tur boluntario, representante di IBiSA, iRun, Patrishi Sports, Rode Kruis, Motor Unit y Eric Gomez pa organisa un otro caminata y coremento pa nan por sigui prepara. E organisadonan ta stimula participantenan pa sigui reta otro.
E siguiente caminata lo ta diaranson 20 di juni pa 6’or di atardi na Ayo Rock Formation y e participantenan lo ta canando y core 5KM. E team dinamico di MetaFit ta invita tur empleado di MetaCorp pa participa na e caminatanan, specialmente den preparacion MetaFit Walk di dia 1 di Juli proximo.